近來迷上看Yahoo Knowledge Hong Kong (雅虎香港 知識+) ﹐ 每天晚上都會追看。Yahoo Knowledge Hong Kong是網上的知識論壇﹐任何網友對社會文化﹑商業經濟﹑科學醫療﹑體育運動等各方面有疑問﹐都可以發出問題﹐由其他知道答案的網友解答。 哈哈﹐不要誤會﹐難道我如此熱切渴求知識嗎? 非也﹐因為Yahoo Knowledge Hong Kong 簡直是一項絕佳的娛樂。讀者的問題千奇百怪﹐令人會心微笑﹐為一天繁重的工作提供輕鬆的享受。讓我列舉一些搞笑的例子吧。原來﹐「學習」可以很快樂的﹐要細細發掘當中樂趣﹐哈哈。^_^
1) 問：醫神陳奕迅在醫學上有什麼成就?
答案 1：事實上,他在醫學上是沒有成就的~因為eason和醫神的讀音相近,所以就這樣叫了~
答案 2：陳奕迅在醫學上無乜成就的!!陳奕迅只是唱歌有成就!!因為他的英文名似醫神的字音所以人人都叫他醫神是也kre.....
答案 3：有，佢話左俾大家聽以羅果子鹽係可以清熱氣。同埋得果定喉片係可以醫喉嚨痛。
2) 問：太靚仔怎麼辦??? 經常引來一班狂風浪蝶，真的令人苦惱，郁悶唷！
答案 1：去整容囉!!!!!不過睇死你都唔會架啦!
答案 2：搵個 ”男朋友”可以無浪蝶 ~搵個”女朋友”咪可以無狂風 ~哈哈哈 .....
答案 3：唔沖涼, 唔刷牙, 一身臭味, 包保唔再有狂風浪蝶
答案 4：話比人聽你係gay
答案 5：搵件豬扒做女朋友,即掂.
答案 6：我們都是天涯淪落人!
3) 問：如何成為威廉王子的女朋友？
答案 1：你冇可能做到的...因為要高貴...談吐得體......好多好多
答案 2：如果我知我自己都上啦, 仲教你? .....XDDDDD
答案 3：起碼要講得一口流利英文啦, 仲要係講得一口流利英文嘅上流社會, 仲仲要係講得一口流利英文嘅英國上流社會, 不過其實仲有一樣嘢好重要, 就係...緣份.
答案 4：首先要識講英文=english and then打電話俾佢, 問佢可唔可以做你男朋友
答案 5：你有著避彈衣嗎??
答案 6：這簡單了﹐因為我就係佢ex﹐你只要話佢靚仔過William Hung﹐咁佢就好滿足，塔晒糖﹐就算你係男仔都得﹐記住話係我介紹。
4) 問：余慕蓮是余安安的姊妹嗎？
答案：冇錯,係呀!我聽啲三姑六婆講,佢哋仲有個細佬叫做余文樂,佢哋嘅老竇係余子明。 參考資料: 三姑六婆+六叔
5) 問：黃家嵐會唔會變綠? (卑斯按：「黃家嵐」是電視劇「同事三分親」的角色)
答案 1：黃家嵐成個人唔會﹐衣著染綠色可能會﹐頭髮染綠色都可能會﹐毛髮染綠色可能﹐帶綠色con 會有綠色外表的眼珠。但黃家嵐一定唔會變綠﹐黃色加藍色就會變綠色﹐唔信可以用顏色筆試。
答案 2：這大概要問無線的編劇有無意欲改變黃家嵐的形象﹐但照現在的劇情推斷, 這機會大概很微。如對黃家嵐的形象有意見, 不妨寫信/send e-mail/致電/在無線的論壇留言, 發表高見。也許, 終有一日, 編劇會考慮你的問題呢~
6) 問：近期電視成日播溏心風暴，我好驚，窗外不斷刮起大風，我好驚我會被風捲走。請問溏心風暴會否帶來嚴重破壞呢？若有，請問那處最安全？要採取甚麼預防措施呢？溏心風暴何時才會消散呢？(卑斯按：「溏心風暴」是香港近期大熱的電視劇集名)
答案：應該睇醫生
7) 問：我發現我太有智慧,有咩方法可以將我嘅智慧分俾人?
答案：你出本書 講自己嘅智慧 咁就可以同人分享啦
8) 問：我向麥當勞叔叔表白左,佢話我地冇將來,why?
(該問題已經被移除﹐原因為濫用網絡資源)
9) 問：唔肯沖廁問題。係人都知去完洗手間都要沖廁同洗手,依個係衛生和個人問題...但我阿哥十分衰...佢去完洗手間唔肯沖廁...攪到洗手間好臭..而且佢柯到地上都係有少少尿尿..好難頂 =.= 救命!! 我話過佢好多次..我阿爸阿媽亦都有話過佢,但佢當耳邊風不肯理會,怎樣令佢有效地、自律地沖廁?
答案 1：迫佢出去自立,唔好理佢。我唔信佢自己住一世都唔沖廁同洗手
答案 2：黐張紙係廁所度：用晒請沖廁！提醒佢。
答案 3：當他在家中講電話時, 你即在旁邊大聲話阿哥去完洗手間無沖廁, 叫你阿哥去沖番廁先再講電話, 兼話佢次次去完廁所都唔洗手好唔衛生…. 人要面, 樹要皮, 呢D咁衰既野比其他人知是好瘀的, 希望佢會自己改善下. 但亦小心佢會惱羞成怒打你 OR 大報復。
答案 4：如果你們一家可以忍到,你們去完廁所都唔好沖,待他頂唔順,他就會沖廁所。
10) 問：頭先去完迪士尼，見到米奇老鼠，佢把聲好似曾志偉，究竟係咪曾志偉扮架?
答案 1：唔會..請曾志偉黎扮好貴架..又見唔到樣 唔需要請佢黎扮~
答案 2：機會唔高。因為迪士尼入面會出現多於一隻米奇老鼠﹐而佢第一次係電視播把聲係好似曾志偉。所以d員工先要扮返佢把聲
答案 3：唔知,但肯定白雪公主係欣宜扮!!!
文章定位：
