坐月苦＠BORISALLYLAND@AGNES B｜PChome Online 個人新聞台

2007-11-04 16:41:39| 人氣204| 回應1 | 上一篇 | 下一篇

坐月苦

推薦 0 收藏 0 轉貼0 訂閱站台

係時候要講吓真話啦.

屋企多咗個小寶寶當然開心啦.
開心的背後其實有d嘢唔係人人都可以體會到..

陀bb嗰9個月辛苦唔想再講啦.
bb出世咁耐因為要坐月就唔可以出街 ..要安坐家中.
除咗去健康院我就真係無去過邊度邊度啦.
係bb滿月之後叫做出過兩日街 (都係返媽咪度食飯同埋去過教堂)
做有一晚因為要買"咩"帶所以帶埋bb出去..

唔可以出街的日子唔好以為好易過.
正常人又點會體會得到當你日日都有返工或者有出街的機會.
根本唔會明白完全唔出街的感覺.
唔係幾日而係要成個月以上.

其實坐月除咗悶仲有好多嘢令我唔開心.
因為要餵人奶當唔駛餵人奶的其他時候
個胸會谷住甚至會漏奶..整到d衫濕晒好唔方便
谷得勁嗰時就會好似兩個石頭咁令到我透唔到氣而且係極度痛楚
而家我就喺度考慮仲餵唔餵人奶轉奶粉呢個問題.
表面上是相當簡單的問題.
但我知道人奶對bb實在太多好處了..
唔係話奶粉唔好唔及人奶好囉又唔係無點解唔餵?
不過剛才已講過係相當痛苦的所以先要考慮繼唔繼續..
做偉大媽媽真係唔易呢

呢一個整星期媽咪因為大病一場唔可以過嚟幫我手
日頭嗰陣得我一個人照顧bb 真係好吃力呀
雖然媽咪喺度嗰時都係我照顧bb為主但係有媽咪幫我煮吓嘢食.
同我傾計已經好好多..
而家要等老公放工六七點先返嚟嗰種感覺真係好難過.

都好月尾就返工啦..
到時可以分散d注意力又可以出吓街見吓d同事..
又有得賺錢感覺點都會好過而家.

我要檢舉

台長： BBPOOH