餅印＠BORISALLYLAND@AGNES B｜PChome Online 個人新聞台

2007-10-07 02:23:51| 人氣119| 回應2 | 上一篇 | 下一篇

餅印

推薦 0 收藏 0 轉貼0 訂閱站台

彤彤一出世嗰一刻.我就覺得佢好似我老公..

有日應該係有晚我起身餵夜奶見到Ｂ女同老公都瞓得好冧..
於是忍唔住要影低呢張相.
（大家唔駛驚我哋唔係就咁同Ｂ女一齊瞓　係有張床仔的）

彤彤未出世嗰陣我哋一直都諗緊D開心嘢第時帶佢去邊度邊度.
而家一個星期度我哋兩個叫做慢慢適應照顧佢啦.
因為真係有意想不到GEI疲累.

BB就係咁直接食飽就瞓瞓飽又食食完又疴..

呢個就係佢每日必做GEI嘢..佢瞓覺嗰時嘴角偶爾會微笑.
唔知佢發咩夢呢..??

老公同B女的對望.~

事實上我除咗負責餵奶換片之外.
乜嘢我都唔做得住除咗因為生完身體比較虛弱之外...
傷口偶爾都會痛..
所以大動作GEI嘢我都唔敢做住.

呢排辛苦老公了..
不過我知道佢好享受照顧B女GEI樂趣
換片餵奶沖涼佢好快上手了..
原來佢好有潛質做湊仔公架......哈哈.!

呢幾日唔知係咪太累定係生完之後D生理反應.
同埋好驚B女食唔飽.. 加上心理因素好怕去大大..(驚/整痛傷口)
好容易哭泣同情緒低落
要屋企人咁擔心我好對唔住呀..
有時我都控制唔到

仲有媽咪而家每日都嚟幫我手我見到佢做家務做到唔停手又會好唔開心
因為唔想佢辛苦但係媽咪又係都要做..
呢個問題同雪雪傾過佢話俾在佢係我呀媽都會咁做.
正如我而家會唔理自己辛苦都要堅持俾BB食人奶一樣..
媽咪永遠都會俾最好GEI嘢俾BB..~

聽完雪雪GEI呢番話我心情好D了..
希望D負面情緒快D遠離我啦.

我要檢舉

台長： BBPOOH