同雪雪行街橕枱腳^.^＠BORISALLYLAND@AGNES B

2007-06-01 10:58:13| 人氣121| 回應2 | 上一篇 | 下一篇

同雪雪行街橕枱腳^.^

推薦 0 收藏 0 轉貼0 訂閱站台

昨晚因為老公夜晚去踢波
於是我就約咗呀好耐無見gei雪雪食飯啦..
雪雪一見到我見到我肚肚..
話: 真係有個肚喺度架wow.
我話: 緊係啦唔通假架咩^.^

我哋首先就係花園街睇嘢..佢因為工作上要買教具
所以我哋由玩具鋪開始..
我發覺我的格價能力愈來愈強..
雪雪見到一件啱用的玩具好快已經想俾錢..
我即刻叫佢唔好行多幾間先..反正仲好早..同埋仲有出面的檔口..
一定平過鋪頭的.

哈哈最後雪雪都平咗五蚊抵咗^.^
我好有成功感呀.........................!
雖然咁樣會開始轉形做師奶.
不過平咗嗰d係錢來wow 千奇唔好睇少師奶的私己錢
就係咁少少儲返來架啦.

買齊教具之後又走咗入女人最鐘意的地方 -- 卓悅.
又買咗d扮靚嘢雪雪真係好搞笑架..耳仔軟成人俾sales哄買嘢..
好在今次無!

行到九點幾肚仔餓
我哋選擇咗間cafe 可以慢慢坐吓傾吓計..
唔駛趕住走咁.

好舒服呀..個餐都幾抵 70蚊到有埋嘢飲 + 湯 + 甜品
不過講真d嘢食就麻麻地..
算啦有個地方坐得舒服都好啦
九點幾電視做緊"溏心風暴" 很慶幸我同呀雪都唔係風暴入面..(無睇開)
仲可以專心傾計
其他食客都有睇開咁wow..哈哈哈..
因為無人趕我哋坐到差唔多十一點.
最滿足都係個甜品 <--係朱古力雪糕嚟架!!
不過唔駛擔心好細杯架gei hehe....

食到飽晒埋單走人同雪雪一齊永遠都係咁開心..^.^
雪雪會好自然地常常照顧我..我又好喜歡俾佢照顧..
十幾年感情wow 用錢買唔到gei!!!!

我要檢舉

台長： BBPOOH

您可能對以下文章有興趣

笑容由五一開始返嚟啦.

一天走兩場..羅黃碧珊之夜 x 呀佳補祝生日飯

朋友仔探我@睇４Ｄ

朋友手信仔..=

人氣(121) | 回應(2)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 友人趣事 |
此分類下一篇:一天走兩場..羅黃碧珊之夜 x 呀佳補祝生日飯
此分類上一篇:看波又打牌..歡樂齊笑晒.

回應(2)