BORISALLYLAND@AGNES B 2x歲 有一個老公 一個女女... 仲有一個快樂的家庭.. 人生目標 當然是一家人過得開開心心吧.. 希望幾年後 生多個bb... (湊個好字當然最好啦) 所以我要努力工作... 同埋我老公一齊 兩公婆 一條心...!! 為了我的女女 同未來的BB 同埋我們將來的幸福努力.. 雖然我係一個小小角色 一個平凡的靚媽咪(又在讚自己啦) 但亦係呢D生活小片段 成就了今天的我. 我會喺呢度 同大家甘苦與共... 分享我的生活點滴..

120愛的鼓勵 0訂閱站台

昨晚 是波仔的十幾年朋友大婚之喜...
而波仔就係兄弟之一啦..一朝早就出咗去了..
昨日的天氣真是差得很啊...
還有黑色暴雨警告訊號..整日都落著大雨..
一對新人還擔心會因黑色暴雨 婚姻註冊處會關門
幸好 照常可以簽婚書..

我放工後 本來要去學跳舞.下課後才去飲..但因為好友kannis未放工..
我等埋佢..等到七點 已決定不去跳舞了 在會展的洗手間內
換上一套黑色長裙..便前往飲宴場地..
開頭真是不想去的 因為我和一對新人不算熟..
但係 這是第一次以先生夫人的稱呼來出席別人的婚禮..
所以好高興啊..還有好友kannis在 他男友啊佳是昨晚的司儀呢..

最無鬼用 我在飲宴當中 新人播放接新娘和註冊的片段..
我見到人地簽署時 又想起自己雨個月多前結婚的情況..
忍不住 眼淚水湧出來 人地唔知 以為我是新郎哥的舊情人添..

飲宴的尾聲 我枱的兄弟們突然起哄..要嚷著要飲酒..
愈鬧愈大..後來不知開了幾多支紅酒 白酒 好似有白蘭地..
呀佳第一個醉了 還說 我仲ready 我仲可以飲架..
但係臉也通紅了...
起初 波仔也沒他們飲得那麼多...但又要幫醉醉地的呀祖頂酒
(飲到開始糊言亂語..)
他醉得和其中一位兄弟simon的太太講..
”其他的姊妹也走晒了 你做乜仲企喺度啊..??”(那太太並不是姊妹呢)
飲到尾升 其他賓客也走了..
我和波仔及幾位醉了的兄弟留在飲宴場地..
突然呀祖嘔吐了..幸好有膠袋接住
但係他都嘔到自己 和波仔衫褲都有..
我在旁 已無顧慮哪麼多 幫呀祖抹走身上的污物..(很勇敢!!)
走的一段路最狼狽 波仔主力照顧呀祖(他已站不起來了)
另一位兄弟幫忙..但那人都是醉醉地..
呀棟起初無事 但係愈來愈唔掂了..到地面時
他又醉醉地自已一個人坐的士走了..(這時波仔等人正協助呀祖上兄弟車..)
我看著這班男人 全都醉了很辛苦的樣子 又嘔了好幾次..
不知他們為什麼呢..
波仔將一個一個兄弟分咐好他們的歸途後..我們終於走得了..
(好多謝simon兩公婆車我地返屋企啊)
回到家門前 波仔也醉了 那時得我一個人..他可能一直用意志頂住..
返到來 頂不住了..好不容易回到家 他坐一坐..飲了水..
他還不停打電話給那幾位醉人..看他們回家未...但他是很頭痛的
突然他走到洗手間 起勁地嘔地來..
我只好預備一條熱毛巾 一杯清潔口腔的水..在掃他的背..
看他嘔得厲害 心又酸
終於上床休息的時間 ... 我不停為他抺臉..他又不斷講說話..
還不停說老婆 你知唔知啊..(他平時不會叫我做老婆的)
他說了很多東西...說完後 又笑...笑完後一刻..
睡了..

我是第一次看到人醉成咁 還要是一班人...我是最清醒的一個..
因為我飲的是可樂..
兄弟們 何苦呢.

祝ADA 呀東 新婚快樂 永結同心..