BORISALLYLAND@AGNES B 2x歲 有一個老公 一個女女... 仲有一個快樂的家庭.. 人生目標 當然是一家人過得開開心心吧.. 希望幾年後 生多個bb... (湊個好字當然最好啦) 所以我要努力工作... 同埋我老公一齊 兩公婆 一條心...!! 為了我的女女 同未來的BB 同埋我們將來的幸福努力.. 雖然我係一個小小角色 一個平凡的靚媽咪(又在讚自己啦) 但亦係呢D生活小片段 成就了今天的我. 我會喺呢度 同大家甘苦與共... 分享我的生活點滴..

120愛的鼓勵 0訂閱站台

繼續未完的記錄..
那一天 由出門到教堂 都是好緊張 又無乜感覺..心情好空白..
因為 時間很趕..來不及去感受快樂一刻..
而身邊一班姊妹 她們都是我不同成長階段所認識的.
她們好投入地玩接新娘遊戲.
這時 是大概朝早八時三十分.
俾原定接新娘時間 遲了二十分鐘..
在八時三十分前 由五點鐘開始 我差不多已經化完妝..
到我的姊妹開始到齊 她們一個個等待化妝師化妝..
爸爸也從酒店回來..又要穿西裝打呔.
屋內十人..很忙..而我又唔知忙什麼..只是怕遲到..
到門鐘響前 我和爸爸就在新娘房等待新郎過晒關..
從房門口出去..

門外傳來一陣陣笑聲..歡呼聲..波仔被請玩掌上壓 吹爆波 仲有好多好多遊戲.
一關過完 又一關 ..
只有聲 沒有畫 ..爸爸從門隙偷看 邊看 邊笑 邊搖頭..
我都好想看一下...
最後 當然順利地接到我啦...讀咗愛的宣言後..酙茶俾媽咪同爸爸..
我地又急急腳出發到男家..因為遲咗出門 所以去教堂都遲到了..
原定十時三十分到..我卻在十時五十分才趕到教堂 當時還有穿著裙掛..
好在 教堂將我們的婚禮由十一時正 延至十一時十五分..
我才可以趕到換婚紗..

整個儀式 約三十分鐘..因為趕得太急..
其實 成個人都好空白.. 到交換戒指後..神父請我們說一些感想..
首先我請波仔講先..因為我實在太空白
本身準備了的致謝詞卻一句子不記得了..
我多謝 波仔的爸爸媽媽 多謝我的爸爸媽媽...然後 我忍不住哭起來..
什麼都講不到..
波仔在我耳邊說 講唔到 唔好講啦..個妝溶晒..唔靚啦..
伴娘軒軒走上來給我紙巾...我好想心呼吸..我好想正正經經多謝一些人..
但係..都講唔到..我見到我個妹 喊得比我厲害..
神父好好 佢請所有人給我掌聲... 簽婚書時 我還有兩行眼淚..

這個回憶..過了幾天 才慢慢記得..朋友話我知..
爸爸原來都有眼濕濕 上台簽署時 還有擦眼睙..
有些姊妹也告訴我 剛才也忍不住..為我落淚..好友李小兔說.
認我咁多年 看著我由一個傻妹 到今日都係一個傻妹..現在嫁人了..佢為我好高興
這些都是上主給我的福氣..
有家人 有朋友 現在 在好老公..

拍照拍了很多..腳都軟..笑容都是那一個..至到晚上..
飲宴部份 我和他心情可說輕鬆了點..
但係身體都是累累的..特別難忘 那顆大燈 一直開著..拍合照至我們進場前..
各方好友 親友 都等待和我們合照..大家辛苦晒啦..
要多謝 當晚做司儀的呀牛 ..
實在給我們一個美麗又安心又愉快的晚上
所有東西 他都為我們安排好...
記得 那天 我換了幾套衫後 己是送客的時候了..
成晚 除了三件燒豬 同埋一碗翅外 什麼都無吃過..
但 唔肚餓 因為 忙得無感覺..
多謝嗰日有份幫手的工作人員 ..多謝晒有份或無來 但送上無限祝福的朋友.
除了多謝 想不到有別的說.

累了足足一個星期 ..
開始曬相 分相 分好多相 團體相 個人組別上 ..曬大相..
至今都未攪掂 等看相的 等下啦 等下啦..
快有了..