24h購物| | PChome| 登入
2005-12-27 10:55:38| 人氣71| 回應0 | 上一篇 | 下一篇

聖誕8人派對

推薦 0 收藏 0 轉貼0 訂閱站台

聖誕節 我同埋波仔d好朋友 仲有我的雪雪
上來我地新屋玩..開party.
仲有抽禮物咁樣..

開party之前 我同呀雪雪去剪頭髮
往髮型屋時 我地雞啄唔斷 講及話題係投資組合 同儲錢.
我地成熟咗啦 話題再唔係明星啦..哈哈哈..
剪完頭髮後 我地暫時分手..
佢就去播道會.我就返屋企執屋.
不過波仔都在家努力執屋 我叫佢幫我洗埋之前一晚未洗的碗.
佢好堅持要我自己洗返..
(不過算啦 佢執成間屋我都只係洗碗 其實有so啦.)
返到屋企 第一件事訓陣先..
一訓 就過晒鐘 臨急臨忙先洗埋d碗 出去接大家朋友返來屋企.

我地當晚膳食都唔錯呀..
有壽司 piazza 家香雞...買埋芝華士 同綠茶 仲有一支紅酒..同埋小量汽水.

我一早就佈置好間屋 佢地上到黎都話聖誕樹好靚呀..
party開始 我地首先放晒d禮物係樹疧..
跟住我地就用了唔夠半個鐘時間 清咗大部份的食物..(好似餓鬼咁)
之後就開始一連串遊戲 層層叠啦 啤牌啦 仲有我最鍾意的魚蝦蟹..
嘩 呀雪雪羸了好多錢呀..小富婆呀..
波仔朋友呀祖話:呀雪羸d錢 多到好似堆雪咁呀..
(從來都唔知道呀雪有另一面架 又飲得 賭錢又好豪咁樣)
雪雪話:我係一個幼稚園教師 我話:放咗工 係普通人一個 唔驚啦...
我見佢看著羸返黎的錢 她看著小散紙包 雙眼發亮咁樣..
呀雪緊記不要出面賭呀!!!!^.^
一到十二點正 我地就交換禮物啦 我同波仔都咁啱抽到朱古力
其他人d禮物原來都幾有心思wow

話說我地玩啤牌時 輸咗罰飲酒 我地有兩個朋友宣佈飲醉了...
在sofa訓著咗..於是 餘下三男三女一起玩波子琪 嘩 好好玩 又刺激..
我第一次六個人玩波子琪 所以覺得好開心..

玩到二點幾 佢地係時候走啦...我先發覺係無通宵地鐵..
嚇死呀雪啦..好在 波仔叫咗的士 佢哋齊齊喺旺角落車 仲幫我陪呀雪雪找小巴..
唔該晒佢地呀...

臨出門口時 我叫波仔d朋友好好照顧我的雪雪..
波仔朋友之一kannis話 我係度 放心啦 因為佢而家都係我地嘅好朋友啦..
呢句說話 我好開心呀..
開頭我好驚雪雪會悶 但係又覺得 波仔d朋友應該幾容易相處..
因為佢地真係好搞笑 而雪雪都玩得幾開心 咁我就好開心啦..^.^

我地仲講好咗 新年再來玩過 仲會打牌呢^.^

咁多人一齊玩的感覺真係開心 其實 當晚玩嗰陣 波仔不是坐在我附近.
玩嗰時 佢又好似我的朋友一樣 感覺都好特別
好似返去一年前 剛認識佢咁...hehe..^.^


我要檢舉
台長： BBPOOH

您可能對以下文章有興趣

人氣(71) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文