╭＊蕉 °ˇ… 思暮想°*．ｏ ★°*─╗ │緣份│.. 使我們開始ｏo。 │經歷│.. 使我們難忘ｏo。 │重視│.. 使我們維繫ｏo。 └══＊☆ ║+威化 曲琪+║☆．.

95愛的鼓勵 1訂閱站台

近排俾公司D污糟空氣 (肥女人的勁香水味！)
攪到我終於病完又病 (經痛的同時，又狂咳！)
經痛已經請兩日假 (決定之後次次都食止痛藥！)

昨日，利用扮咳又再一次請假 (雖然真係咳，但未至於請假！)
同老公享受暑假的最後一天 (也是整個暑假中第一次去香港！)
偷偷地利用半天病假坐船 (坐船前去埋科大醫院寫張醫生紙！)
呵呵，我的奸計得逞了！

坐金光船豪華位 (慳埋個中午飯)
埋兩包花生 (慳埋D小食錢)
老公，我地唔係真係甘窮丫？！

落船，第一站 ~~> ** 老公最愛之金魚街 **
嘩~~ 真係有好多魚呀！(但貴過大陸)
有從未見過的靚魚、醜魚、肥魚、貴魚、攪笑魚...
唔敢影相，因為怕嚇親D魚！(其實最怕俾老闆鬧！)
結果，只影左消防車和救傷車！(未見過香港的！)

第二站 ~~> ** 食日本拉麵作午飯 **
免收加一，午市及下午茶餐！
叉燒拉麵得兩舊細 + 肥叉燒！
牛肉拉麵的牛肉多，肉汁唔錯！
勝在價錢平 + 有小食和飲品送！

第三站 ~~> ** 我的最愛之一 女人街 **
買左超靚的一大一細史迪仔毛巾 ($10 & $20)
仲有一條大D + 靚D，但貴D的 ($39 唔抵無買)

第四站 ~~> ** 我的最愛之二 兆萬中心 **
雖然買唔到最想要 + 特登搵的史迪仔花花吊飾 (一套共八隻)~~
但老公卻買左：另一套史迪仔吊飾 + 牛仔版的史迪仔公仔俾我~~

第五站 ~~> ** 我的最愛之三 朗豪坊 **
今次唔只去 Muji 了！仲行多左其他樓層！
雖然一樣只買 Muji！但影左星座 + Mario！

第六站 ~~> ** 痛苦晚飯 KFC **
一直都好想試下香港(最正宗)的KFC炸雞！
雖然仲咳緊 + 仲食緊藥 + 仲請緊病假！
但真係好想試一次，終於(乙水)掂老公！
老公叫左個雞桶餐！聽清楚係雞桶“餐”！

除了有八大件雞外(但唔係用桶裝，失望)！仲有...
三個飯 + 三個粟米 + 二個薯蓉 + 二支汽水 + 一個炸薯塊 + 一盒辣雞塊！
大鑊！兩個人點食得哂！

結果... 不只八大件雞，其他食物同樣要打包！
KFC的收銀員只給我們盒和膠袋！(今時今日甘ge服務態度唔得架！)
好彩仲有識做D的高級服務生！(幫我地打包，睇落似係較高級！)
其實本來可以慢慢食！(但因為冷氣實在太弱，近乎無冷氣！)
只想快D走人了！(真係飽到好辛苦，辛苦到完全唔想再食！)
超恐怖的KFC經歷！(上次澳門KFC雖然超抵，但同樣恐怖！)
決定以後都唔食KFC！(就算肯德雞爺爺送史迪仔玩具！)

回程了，我和老公都很累了！(雖然只是去左半日！)
途中，把肯德雞和戰利品分好！ (炸雞唔做得聽日中午飯！會俾人識穿！)

回家了，娘親睇我的戰利品！(俾我強迫睇我炫耀！) ~~> 史迪仔 + 合照！
她私自偷食了我的KFC午飯！(仲嫌粟米唔好食扔了！) ~~> 我的粟米...嗚！

老公把細的史迪仔毛巾掛在門口！(超卡哇依~~ 我同老公都超Like~~)
牛仔版史迪仔公仔更愛不惜手！(呯... 呯... 我俾史迪仔打敗了~~)
一套六隻可愛的史迪仔吊飾！(同老公商量將來點整個史迪仔櫃~~)
超開心的詐病香港半天遊！(甘多收獲，請多幾次病假都抵呀~~)

** 一個原本以為超順利的詐病遊！結果...
** 死人科大醫院居然唔記得在我的請假紙上蓋醫院章...
** 又要我山長水遠走多趟！假病都變真病囉！(中暑)

這是戰利品一：一套六隻可愛的香蕉史迪仔吊飾~~