24h購物| | PChome| 登入
2008-08-07 15:12:10| 人氣101| 回應1 | 上一篇 | 下一篇

++ 番禺自遊行 (第二天) ++

推薦 0 收藏 0 轉貼0 訂閱站台

第二天早上，我八點幾起身了！懶訓老公仲唔肯起身！
要我出絕招 ~~> 打開哂D窗簾！哈哈… 睇你點訓！
九點半，我地落酒店食自助早餐 (酒店套票包埋)！
Check out 完，哂行李，坐公車到歡樂世界玩！

落左公車，仲要行十分鐘！(唔想益d電單車佬)
到門口，仲要檢查一輪！(帶多支水都問長問短)
終於，可以開始玩了！(當然玩十輪過山車先喇)
玩左幾個主題game‧‧‧
十輪過山車 ~~> 開頭仲以為係十個大輪，原來只係螺旋轉！
摩托過山車 ~~> 升壓渦開動，引擎極限到最高峰！衝呀！
U型滑板 ~~> 我覺得好玩過大鐘錘！唔怕有想嘔的感覺！
叢林漂流 ~~> 唔會因怕濕身，俾人呃五蚊買膠袋式雨褸！

睇左幾個表演show！
兩套四維電影 ~~> 又噴水、又俾人拮！但睇完有D唔舒服！
魔術表演 ~~> 來自澳門的魔術師！究竟哥三隻白鴿去左邊？

午飯係歡樂世界入面食！又係俾人呃錢的一餐！
但總好過第一日的“葵花雞”，無呃得甘犀利！
接近尾聲，我地去玩埋最得一個主題game ~~> “垂直過山車”
雖然話係主題game，但呢個好少人玩，可能因為好似好恐怖！
去到入口處，工作人員話唔俾帶野入去玩，要放在隔離儲物箱！
唔係掛… 原來歡樂世界入面有儲物箱架？！仲可以臨走先！
點解… 我地一直要住哂所有行李，玩所有的game甘白痴！
好後悔… 唔從南門入，要從北門！下次醒d，但仲有下次嗎？
結果… 我地俾左 $150 放行李入儲物箱 (一次性)！
玩完垂直過山車 ~~> 我同老公都覺得好好玩！
發覺連相機 + 扇子 + 毛巾都放哂入儲物箱！
想影相留念 + 好熱想涼快 + 流汗都無計！
唔理甘多！食串趩魷魚 + 飲杯凍沙冰！
超熱 + 超多汗去睇最後的特技表演！
整個特技表演，有好多的嘩… + 掌聲…
好激的飛車！
好驚險的爆炸！
好假的打鬥動作！
好慘被潑濕的觀眾！
好可憐的我們超級熱！
雖然只是短短的半個鐘特技表演！但真的好好睇…
我和老公都唔想走住，唔係因為留戀個特技表演…
只是唔捨得 ~~> 要甘快從儲物箱番D行李出黎…
但可惜我地部相機係儲物箱，一定要出黎影相…
雖然心疼 ~~> $150，但無奈我地的合照更最重要…
影哂相… 留哂回憶！要準備走囉！
就這樣… 歡樂世界結束了！

我地坐免費專車去長隆地鐵站 ~~> 搭地鐵地廣州天河客運站 ~~> 歧關車
入到天河客運站無幾耐，聽到天花板傳出好嘈的聲音！
窗口吹起好大的風！四周的灰塵亂吹！原來外面落緊好大雨！
因為外面好黑，所以睇唔到風雲色變，但可以想像得到！
今朝還是一直好好天、好猛太陽！突然好像打颱風似的！
雨… 不再是垂直落下，而是15度角地打斜落！
風… 不再是柔柔的微風，而是非常可怕的狂風！
雷… 不停地響！在整個天河客運站不停地迴響著！

上主保佑！這天氣突變發生在我們進入客運站之後！
可能主感覺到我們的害怕 ~~> 怕歧關車會因大雨延誤！
所以差不多到上車時間時，雨開始細！我們也順利上車！
在車上，只知道很累！只知道睡！外面是怎樣也管不著了！
差不多十一點，我們才到達拱北！
全身散了！對腳好痛了！玩飄流弄濕的褲子也乾了！
平常超唔捨得搭的士的我！也只想盡快“打的”回家了！

行到去關閘的士處，等左好耐… 先有一、兩架的士！
已經好累了！已經腳軟了！仲要俾個肥師奶尖隊！
個師奶超勁！擺明自己唔岩，仲可以聲大夾惡！
佢老公都拉開佢，佢仲可以笑笑口、唔知醜！
真係頂佢唔順！都未見過d人甘口顏無恥！
如果我唔係有的士上，我可能報左警囉！
唔係搵人拉佢，係怕自己推佢出馬路！
唔知個肥師奶到最後有無被人打呢？
可惡的肥師奶，將我地開心的旅程攪到甘嬲！
唔好再俾我見到佢，下次我唔擔保再手軟！

總結第二日：玩得好盡興 + 上主的保佑 + 累透了！(超開心的旅程 ~~> 因為有你)

我要檢舉
台長： ﹏\ κ α\ τ ι ε ﹏\

您可能對以下文章有興趣

人氣(101) | 回應(1)| 推薦 (0)| 收藏 (0)| 轉寄
全站分類: 不分類

我要回應
紫水晶
我都好唔中意d成日插隊ge師奶...
係關口返黎個時最多...
咁趕都唔知做咩...
==\\
2008-08-12 12:36:21
版主回應
咪係lo~~ 都唔知點教下一代！！
2008-08-12 13:42:40
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文