天光了,我還在火車的硬臥的床位上,慢慢見到好多人手執毛巾牙刷去火車上面既一個供人洗面刷牙既地方~我已經係呢24小時既車程上面不停地訓和看風景,所以我都決定去洗面刷牙等我一陣用最好既狀態面對北京,哈哈~第一次係火車上面洗面刷牙,火車一路開動我一路望住風景這種感覺真係又有一番風味!過左1個鐘後到左北京西站,我背住個大背囊係火車站到先買左一幅地圖,基本上要去既遊點都有提到開始時候同去既方法,但呢個時候我發現火車站好大,而且因為我根本無計劃自己要去邊,一時好迷茫唔知自己應該去邊,不停係火車站行左好耐最後上左巴士站見到有巴士去軍事博物館,而軍事博物館算係一個離我最近我又有興趣想去既地方,所以唔理咁多上左巴士,到站後第一時間係搵野食,因為搭火車我只係食杯麵食左一日,好想食飯,但呢個時候發現好似無乜地方有飯食,之後入左一間算大間既菜館食炒飯,當初入去時好驚,因為怕價錢貴,但原來只係十元,算可以接受啦個價錢同碟飯.食完之後就行左去軍事博物館,入到去感覺都幾新奇好有新鮮感周圍睇,有一到可以上坦克參觀不過我見排隊既都係細路所以我費事咁大個人都去,而且要比十蚊,唔值!參觀完出黎之後睇地圖見到一路直行就係天安門所以我就行過去,雖然有地鐵但因為我想睇多d街景所以唔搭車行去,行左半個鐘左右就到左天安門,第一下既感覺好激動,一個平時經常係電視看到既地方呢家就係眼前,再諗一諗六四之類既野,感覺好怪的!那時候已經係下午4點,故宮博物院都已經就快關門,所以我都無入去打算第2天再去,之後去到王府井,不過一d興趣都無,因為行街既話我覺得香港點都會比北京優勝,但當日王府井有一點特別,就係大街上有機動遊戲玩,不過真係好貴好貴,睇人玩左陣之後就去北京其中一間青年旅舍,基於唔搭車睇多d野既原則我又再次唔識路睇住地圖行去搵,不過今次個距離遠好多好多,行左一個鐘之後已經開始有d唔知點行,呢個時候有一個用好重鄉音既國語問我野,但我就真係只聽到一成,攪左好耐我開始覺得呢個人有少少問題之後我決定走唔理佢,再係遠距離留意左佢一陣,原來真係一個傻佬黎,我太傻啦比個傻佬浪費左我時間,之後我繼續行行到已經天黑,心想再搵唔到就真係要搭的士,之後我發現我應該差不多到左旅舍既附近,但都係搵唔到,而街邊就有好多所謂自發性既保安員,因為當時北京人大開會,我就去問保安員啦,點知無一個識,令我太失望,覺得係大陸有地址都好似無用,繼續行行下見到有一間旅客查詢中心,所以就入左去問一下,但我入到去時人地既表情好古怪,因為佢見到我背左咁多野一睇就知係遊客,但我又似中國人,唔知用咩話同我講野喎,初頭就用英文,之後我表示我識聽國語後佢地就笑住話唔知我係咩人,又以為我係日本人所以唔知同我講乜好!我表明來意後佢就教左我去旅舍,去到之後要60元一晚,6個人一齊住既床位,係我心中就覺得好貴同埋地點太唔方便,不過已經夜晚住一晚先,入到房後同室係有一個中國人一個日本人一個孟加拉人同兩個巴基斯坦人,除左日本人一直唔出聲外其他人都成日傾計,佢地個個都識講國語,英文,有一個黎過香港一段時間仲識少少廣東話!佢地係北京已經有一段日子所以講左好多有用既野比我聽,之後我就見時間還早就出去行行夜晚既北京同埋了解下交通既問題,而且要找一間方便d既旅舍,之後我就搭左車去天安門,呢個時候我先發現我真係行左好遠,因為搭地鐵去都要幾個字時間,之後我係王府井發現左一間招待所,我就入去問一問價錢,要50元一張床位,不過係3人房,之後我要求去睇一下房間情況佢就搵人帶左我上去,看了一下就覺得環境比青年旅舍好得多,而且我住那樓層的服務員還真可愛(她就是次次果)所以我就決定第二天早上搬來住,之後我就去了小食街解決我既晚餐,這一晚食到好飽,因為我甚麼都要試一下嘛,哈哈!食飽後就回旅舍的電視房看電視,這時候有一個黑人跟我一起看英超,原來佢係荷蘭人,之後我就用講左佢都唔知明唔明既英文一齊傾波經,估唔到我會有一日會係北京同一個外國人傾波經,傾完之後我就訓覺準備第日一早走佬!!!
文章定位：
