8月15日(六)...
今日9點鐘我準時到左停車場...我買左早餐比佢...
一去到就見到佢部車...佢個樣快死...一定係玩得好夜啦...
我問佢係唔係好累...佢話無呀...之後扮精神...
我們做左一陣gym...就開始今日既行程...為紀念我失戀一週年...
我們首先去左金樂食野...食牛筋丸個d野食...好好味...之後我們去左威尼斯行街...但佢行到一半就感覺快死了...之後我們休息左陣...我一直問佢洗唔洗番屋企訓下先...佢一直話唔洗...之後我們坐番車回澳門...去左盛記休息左陣...then游左陣車河...之後佢車左我番屋企先...佢要去上日文...之後佢搞掂...來我家車我...問我想食咩??我話想食壽司...佢即時扮野話佢都係甘想...之後想不到車左我去和花亭...之前我很愛吃的...去到個度等位個時...我地前面有5個男仔等緊...佢就話個5個男仔邊個你覺得ok??我就話著短褲, 黑色衫那個...我喜歡那打扮...佢就話佢唔like男仔wear短褲...感覺太隨便...之後我地有位啦...佢一直話d野貴....我其實有少少係少少唔開心...但幸好佢補左一句...但佢覺得今餐係開心既...我地叫左ok d野...但真係比以前無甘好食同貴...買單居然差不多3百蚊...
之後佢提議去星際...我好快甘飲...都幾暈下...佢之後同我講話覺得我又嬲又笑個樣好攞命...真係好攞命wo...好想咬我一啖...我一開頭以為係差既評語..我問佢咩意思..佢唔講...只係話唔係唔好既評價...係好既...之後我先心想到佢想話我那個表情殺死左佢...佢今晚真係講左好多次...之後佢又叫了杯打比我飲...飲完段我地去左西環個邊睇風景...
之後再上車傾計...都講左幾多野...點知後來佢貼緊我講話佢要買蘋果...我說很貴的...佢話無計都要買...我記得之前我地都講過同一番話..佢個時話因為鍾意蘋果嘛...但今晚佢只係話因為想買左佢放係佢屋企...我話個蘋果有咩好處??佢就話個心好靚...皮光肉滑...跟住講講下...佢話我溫柔, 大方, 唔係而家d女仔甘有公主病, 又會照顧佢...聆聽佢, 明白佢, 佢話我係一隻甘好既藍籌股, 係人都想擁有, ,說我是一個好女仔...跟住佢話係人都想咬我一啖...then又改口話係人都想買我擺係屋企, 又話咩係人都想私有化, then又改口話應該係人人都想據為己有, 佢話佢就算佢點窒我, 我都唔嬲佢, 又話我無機心, 真誠, 佢話係而家既社會好難找到甘個女仔了, so好想擁有佢, 佢話其實佢都有考慮左好耐, 因為我地係同事, 怕人地既閒言閒語, 但佢話因為我係好女仔, 佢都無理甘多, 我之後叫佢要正式同我表白, 唔可以用product來比喻, 佢好似好痛苦, 原來佢拍左甘多次拖, 未try過正式同人示愛, 甘我就話算囉...
之後佢真係迫左自己好耐, 捉住我隻手, 然後講話我地個兩個星期既相處發現我係一個好女仔, 發覺自己鍾意左我, 希望我同佢係埋一齊, 我說有三個條件, 一係佢要訓番多d, 二係佢要少d去飲酒, 三係佢要專一, 因我覺得專一好重要, 之後我仲要佢將來遇到咩唔開心事都要同我講, 我一開頭話自己做唔到, 但佢話佢而家都覺得甘樣係唔岩, 會同另一半分享的~!佢之後同我坦白, 佢其實同一個女仔仲有d手尾, 原來佢前兩個月去飲酒, 識左一個同校同學, 之後有feel, 同佢相處左兩個星期, 有暗示個女仔, 不過之後才發現原來佢有男友, 阿佳說他不能接受, 之後都想慢慢疏遠佢, 但最後個女仔同左個男仔分手(原來個男仔係出面讀書的), then會常找阿佳, 但阿佳都係想疏遠佢, 再加上之後佢同左我接觸, 佢發覺我的確係一個好好的女仔, so都想同個之前個女仔斷, 但個女仔一直都唔聽, 佢話完又話, 個女仔都係一直搵佢, 煩佢, 佢又唔想hurt佢, 佢話要同我講, 等我知道, 希望我有個底, 佢話佢會搞埋d手尾, 會徹底疏遠佢, 但唔想太hurt佢, 畢竟佢覺得自己有d責任, 我其實都唔係有d咩, 但係我之後講你而家甘照顧個女仔個感受, 好似無理過我既感受, 佢就話係唔係要佢狠d hurt個女仔, 同個女仔講, 我唔想自己甘唔大方, 亦覺得個女仔都好慘, 我就話你自己處理吧, 就按照你甘講, 唔理佢, 慢慢疏遠佢...
我也想像不到自己可以甘大方, 我說我以前一定不能做到, 我發覺我EQ的確高了很多, 容忍度和同情心爆燈, BUT我而家發覺亦可能係因為我仲未係好愛佢, SO可以甘大方, BUT個死仔之後就爆大獲, 報哂備話自己唔識氹人, 唔會講甜蜜的說話, 我話女仔有時好需要架WO~佢即時話甘又唔係唔講, 不過唔會成日講, 可能要係對的地點和氣氛同無人既環境下, 仲有佢話希望我有心理準備, 同佢一齊可能會過得苦, 佢MEAN佢係一個普通人, 並不能保證我有富裕的生活, 又話自己唔會拖手, 我說這個不能接受, 佢話可以挽住佢隻手, 我就話要拖, 佢都有口頭答應我OK~~
我問佢可唔可以照顧好APPLE, 佢話佢會盡力, 我問佢係唔係認真的, 是不是玩玩下, 因佢得23歲, 可能仲想玩, 唔想停下來, 佢就話如果玩就不會找我, 佢好認真甘同我講佢係認真的...但佢無保證我們可以走多久, 說將來很多未知知數, BUT我見到佢誠意, 因之前個D條件佢都接受, 但佢話佢唔會同另一半吵架, 因佢覺得都係個男仔錯, 如果另一半嬲個時佢會好怕, 都會唔出聲, THEN佢話男仔認錯又不會怎樣, 佢都會認錯, 但感覺到我係這段情不會有任何浪漫可言, 只會平平淡淡, 不會吵架, 因對方都沒有反應, 或唔出聲, 甘其實幾考我EQ, 畢竟我以前咩都要求快, 如果以前的我和他在一起, 我想我應該會CRAZY吧, 我不知道我會不會有足夠能力去接受去承受, 但感覺到佢係鍾意我, 但不懂去怎樣鍾意或愛一個人, 什麼都收起心內面, 不過哩D極可能因為佢既成長經歷, 係既, 佢既成長實在太可悲, 爸爸買給他們的玩具原來係送給人的, 朋輩壓力, 女友離開他, 兄弟又同佢關係冷模, SO我覺得我好似有一個責任, 好似係天使, 要看守佢, 要幫助佢成為正常人, 重過正常人的生活, 佢對自己好無自信, 我知道佢有勇氣向我表白已經係盡左佢最大能力......
之後佢同我講佢唔想係公司公開, 想低調, 想法和我一樣, 但佢好似仲想要低調D, 不過佢話但如果D同事真係撞見我們在一起, 便承認, 平時就笑笑罷了, 不承認亦唔會否應, 不過的確係同事, 唔承認會比較好, 因為會好多說話聽, 佢之後笑笑甘講話館長一定嬲死佢, 搶左佢既私有化...我知道我同佢既情路會很難走, 主耶穌, 求你保守我們, 雖然知佢有病, 係好大既心理病, 佢亦細過我, 亦未畢業, 我可能要承受既苦會比甜蜜多, 或者到底是否有甜蜜可言??希望我們可以一同走過所有難關, 帶領佢長大, 亦帶領我成長...AMEN...我第一次感到如此的沉重和不安全, 不敢想永遠, 亦不敢談什麼未來....SO我一定要慢慢慢慢放感情, 不可以一下子沉下去...
我們今天正式係埋一齊~~
我既第六個男朋友~~
陳智佳...
8月18日(二)~我們第一次擁抱
8月20日(四)~我們第一次親吻
8月16日
8月23日
那一天才是真的?
原來都不是......
文章定位：
人氣(96) | 回應(0)| 推薦 (
0)| 收藏 (
0)|
轉寄
全站分類:
不分類
