Only for Virginia
~獻給親愛的你~
5月25日是你的生日
你跟我一樣都是雙子座
嘩,數一數,我地相識已經十一年了
由小學四年級到現在
你知道嗎? 我前陣子翻開紀念冊
發現原來你是最最落力的一個
你由我們相識寫到大家畢業
太厲害了吧! 不過我覺得好奇妙
就是我們四個best friends都分散在不同的地方
你去了澳洲留學, 而renee就去左香港
我和june則來了台灣,但她在新竹,我在台北
都不是經常見到面
真是給我們一個友情大考驗
你記得你在我的紀念冊怎樣introduce自己呢?
勁囉……嘩哈哈, 等我朗讀俾大家聽先…..
咳兩聲先……(以示隆重>.<)
你說: “我就是得意可愛, 天真活潑, 純潔無邪, 人見人愛, 車見車載,
充滿美貌與智慧而又好好人好溫柔體貼, 對人誠懇有禮, 無微不致,
熱心幫人, 愛心爆棚既……登!登!登!登!(好想笑,登咩呢)…就係你最愛的
Virgin!!!!”…仲未完架,你仲畫了一幅圖……寫住 “Million People’s ADMIRATION”……畫到好多人在崇拜你……heehee,想打死我吧?
你這種介紹方式夠哂特別, 我不會忘記, 大家都唔會忘記! 哈哈
你形容得自己不像人,簡直是天使
哈哈, 但我喜歡, 喜歡你的可愛
你話咁先顯出平凡中之不平凡的你wo!!! 不過我都認同架
相信大家都認同, perfect的virgin呀!!!
你話寫我本auto有難度, 因為同我太熟了,
所以我而家都向高難度挑戰
哈哈~~~~~
其實一諗到你不在我身邊
見不到你, 不可以跟你面對面傾計
不可以跟你說心事的時候
我感到好難過,好傷心……
好
我從新由我們相識開始寫
* P4 To U1 之 回 憶 錄 *
P4 ~ 我們在小四認識, 我個時對你無咩印象, 只知道你係一個好文靜的小女孩,悶蛋一個囉!!!(heehee)但原來我幾黑你憎, 你係紀念冊個度話我那時候好巴揸,好煩,好唔鍾意我,話我好鍾意上堂傾計, 一d都唔nice wo,你都好唔俾面, 係度一直踩我, 哈哈, 而家睇番得啖笑!!!個時同你不是很熟
P5 ~ 你有提到個時我小學五年級已經好大膽(而家好似講俾大家知我好唔乖咁), 我個時居然在堂上玩起飛行棋來, 我都好勁下, 但衰左, 俾人捉到, 你都幾衰架wo, 提d咁既衰野, 而家好似在查我的罪證咁, “我的頑皮實錄”呀…搵你做導演下……不過而家回味返, 咪大家係度傻笑囉!!! 嘩哈哈…不過我想講個時我覺得你好似舊飯咁, 成個樣好似話俾人聽你好好欺負的樣子, 又瘦wo, 又有d黑, 似馬騮咁, 拿, 唔准打人架>.<……總之你係好靜好乖巧個隻女仔, 但有d木訥>.<
我仲記得老師好嬲, 一定要追究到底, 唉, 要我中文默書95分, 英文要85分, 個老師擺明玩野啦, 個時我讀中文部, d課外讀默好難, 英文我拿了95分, 中文只有90分, 個老師出得好難, 嬲爆……then, 又咪無事, 感恩!!!
P6 ~ 大家漸漸熟了, 但你對我印象仍是不好, in fact, 我只小就唔乖架啦, 好好動, 無時停, 雖然成績好, 但太過活躍, 老師都好頭痛~~~小學畢業了, 好巧地我們三個都轉到英文部!!!
Prep ~ 過到英文部, 朋友的重整度好高, at first, u, renee, Evangeline, amy and I 一齊玩, 哈哈, 你提到個年我地係prayer book個度玩捉人, 我地都好大膽, 不過個時都唔知唔可以係個度玩, 有一次俾個老師捉到, 俾佢mark左名, 大家都好驚, 個時白痴架嘛, 小小野都驚餐死, 你仲怕被記demerit, 或列入black list, 你之後仲喊tim~~唉, 好低能囉而家覺得……你話你記得個miss係daisy lee呀, 但我唔記得啦!!都有可能架, 佢咁like管人……heeeheee, 希望佢唔會睇到啦, 其實諗返起我們成個中學階段係聖心英文部其實都乖都不得了, 個時咩都驚架啦, d老師嚴到爆, 頭髮呀, 裙又唔可以太短, 耳環呀, 戒指呀, 衣著同儀容呀, 好好多校規, 仲要每年repeat又repeat……個時真係唔知個壞字點寫, 出多d街玩多d就覺得好壞, 哈哈, 個時都唔知咩叫壞人
Form 1 ~ adviser是雞chan, 行路似隻雞, 所以俾我們取名叫雞chan, 全校都咁叫,哈哈, 你話你好唔like佢, 覺得佢亂俾分, 一d都唔留情, 你個科precis and comprehension 仲衰左係佢手上, 你係本auto寫住 “I HATE HER! I HATE HER!” 你真係好HATE 佢wo, 個時我都好dislike佢, 因為佢好刁難我地咁, 佢真係好愛校, 居然英文默書默校規, 又唔講我們知, 來一個課外讀默, 死得好慘, 咩appreciate, fostering social awareness, spiritual growth, personal integrity呀, 個時都唔知係咩字, 玩死人, 篇默書好多洞, 簡直係殺手呀雞chan……
哈哈, being a Sacred Heartist, do u remember our School Motto?...Knowledge & Virtue…德智並重, hope we can fulfill it, and remember how to sing our school song ar!!! Under Canossa's loving care, May our hearts for ever be~~~另外,你話就在這一年和我多接觸左, 對我開始改觀…yeah!!!另外, 哈哈, 阿june同我地越來越熟,我們由三個變做四個, totally 4 of us altogether, 這一年大家真係熟左好多, 你比我想像中無咁悶, 真係好單純, 其實你都好幫朋友, 又好人, 又斯文, 無我咁粗魯, 所以那時候我覺得自己好幸福, 有一個咁好既朋友, 所以那陣時好珍惜, 所以有時吵架我都先主動撩返你傾計, 因為怕因為小小事而失去你, 而我度氣每次都好快過, 一下課就可以忘記得一乾二淨, 所以我唔係大方, 我係善忘咋……heehee, 我都唔知你why會對我改觀……
Form 2 ~ 哈哈, 這一年大家都好好好開心, 因為來了一個新miss教我們, 大家都勁happy, 覺得個老師好好人, 好好欺負咁, 大家都覺得係上天厚待我們, (死啦,好掛住miss chan, 好幸福呀, miss chan, 她就快結婚了, 個時她跟她拍了好久的男友分手, 我覺得好慘, 咁多年都分手, 不過而家咪仲好, 搵到個咁好既, 希望佢可以好好好好幸福…我至愛的miss grace chan), 佢真係好錫我們, 又手信又禮物, 唔單止教我們課堂上既知識, 仲同我們分享心事, 好似f.2個時我有一排好低落, miss chan都好擔心我, 成日搵我傾計, 仲話幫我找社工咁, 好好人呀>.<…個時我又有感情問題, 真係好煩, 個時仲細個, 唔知點解決, 咪搞到d成績大跌…幸好好快企返起身……個年Miss chan美譽我們是 “鐵三角”, 因為我們成日走去問佢野, 一有唔識就發問, 好好學, 老師應該係咁, 學生先會唔怕去發問, 哈哈……個年既christmas party, 你記唔記呢? 阿june嬲左我地, 因為我們成日三個玩, 唔理佢咁, 個時我們三個好內疚, 個時先知道我們忽略左佢, 個時都大家都幾可愛呀, 咩都驚餐飽, 好彩阿june大方, 又好番, 我們以後都學乖了, 阿june都係好重要架!!!
Form 3 ~ 嘩, 勁囉哩年, 好多重量級既miss教我們, mrs chin, miss daisy lee, mrs ho, 佢地真係 “鐵三角” 囉, 我地一開始好驚, 個個都出名惡既, 但原來三個加起來的作用又幾特別, 仲幾開心, mrs ho教maths都無人訓覺, 佢成日都講d dirty things, 超搞笑, 大家都唔怕會悶, 好精神, 好開心!!! Mrs chin 鬧人出哂名惡, 又大聲, 一鬧隔幾班都可以聽到既, 但佢對我們班又好搞笑, 我好記得佢有次教av 教giggling, 佢邊教邊學點笑法, 我地真係笑死, 佢好可愛, 仲成日幫我們整理cupboard, 搞笑, 個年都幾辛苦, phy ,chem.,bio, 仲有econ呀, 簡直殺人啦, 你第一段衰左phy, 心情好down, 個時我唔知點安慰你, 只可以係icq留左個offline message俾你, 你好感動, 唔知你記唔記得呢? 因為你好重視成績, 所以成日都給予自己好大壓力了…咁又係, mr albert lee d英文我真係聽唔掂, “ticket-tick-timer”而家係佢既代表作咁, 哈哈…仲有個geography project, 大家都好落力做, 但係我成日偷懶, 同carmen成日唱k….仲有個flash, joey mtv 那個…..大家仲記唔記得我地成日去m記, 人地去溝仔, 但係我地就係去讀書, 一齊研究phy 同chem, carmen都有加入, 個時好開心架, 一大班人去讀書, 但又好有成果wo……個年summer我地去學hockey, 一個禮拜去三次氹仔, 曬到好黑, 次次打完都腰酸背痛, 我們成日擺細波佢地來講笑, 記唔記得細波有次叫我守龍門, 我見到對方快要入波, 我用手接住佢, 根本玩曲棍球唔可以用手, 只可以用棍, 我個時fish爆, 他就快笑死, 個時佢好like幫對方和我們比賽, 佢咁勁, 我們當然輸啦, 個時又懶, 唔點做熱身, 我又死同佢跑, 咁咪受傷囉, 一傷就傷左好耐, 因為太好玩, 細波他們又搞笑, 所以我堅持受傷都落場玩, 一直傷左成個月先好番, 其實細波佢幾好人, 成日請食野, 又gentleman, 哈哈, 我們太衰啦, 成日串佢地……而個年我結束左我第一段感情, 9個月既感情係聖誕節finish左
Form 4 ~ 個年我地唔係一班呀, 唔開心, 唔制>.<…我同renee一班, 你同阿june一班, 分開左囉, 我們以為應該唔會咩既, 應該可以維持大家既感情既, 點知好似有d難, 大家既話題少左, 我同renee成日一齊, 而阿june又同某人一齊, 你又同左另一班人熟, 大家疏左, 大家各自有自己班既野要做, 好少見到面好少一齊, 仲記得有次你係學校太耐無見到我同renee, 有次落堂撞到, 你開心感動到喊, 我個時嚇親, 不過又幾可憐既, 聖心英又唔係大, 都唔知why大家咁難見到!!!重點來了, 就係聖經考試事件, 你個次好唔開心, 我地反哂面, 見到扮見唔到, 好terrible, 個次我都覺得自己點解無去氹你, 因為個次我以為你實係嬲死左我, 所以唔敢接近你, 大家見到面當大家透明, 唔係咁脆弱下, 其實個次我講野好似過份左, 但又驚你唔show我, 所以大家一直拖…每次都係我主動撩返你, 但個次你主動同我say sorry, 你喊住同我say sorry, 個時好感動又懶愧, 你仲咩同我認錯? 但好開心你肯踏出第一步, 一切一切都歸好, 大家和好如初, sorry呀, virgin, 我以後都唔會咁諗你既, 你係最好既!!!可能個時我地太friend了, 你好在意我講的每一句說話同做的事, 如果是其他人講, 你真係嬲唔落!!!而個時我好好好努力讀書, 唔想感情事, 所以d成績突飛猛進…..估唔到一療傷療左兩年, 一直到form 5都無拍拖……
Form 5 ~ 我們的確疏左啦, 大家好似好少時間分俾大家, 彼此之間仲有唔少誤會, 我們覺得你變左, 我而家覺得個時我們太不體諒你了, 個時太唔明白你, 我們大小朋友了, 想事情太簡單, 唔明白你既處境, 而家我咩都明, (剛剛和阿june msn完, 突然覺得大家好似成長左, 識諗左, 阿june話大家都已經二十了, 係呀, 唔係細路女啦, 要獨立啦)…grad din 既事我好明白, 你有你既苦處…..我知道你受了委屈, 個時我們太多誤會了, 其實個時應該坦白d, 令大家取得一個平衡, 應該會明白大家多d……then到左宿營, 個次幾好玩, 係空中在繩上面行過, 但最感人係在大家既背上貼一張paper, 請自己既朋友在背上寫低d對自己既感受, 因為大家就快分開了, 大家一邊寫一邊喊, 好似感覺大家快要離別了…..then到左畢業旅行, 大家都好開心, 我同你一間房, 大家成晚傾心事, 我記得有時你仲要早起身去教堂, 真係好忠實的天主教徒, 係北京都要去教堂, 個次好鬼凍, 到處結哂冰, renee仲放左暖包係鞋度, 我就著左三對襪, 個個都好似個包咁, 但個次影左好多靚相, 好開心, 唉…….畢業了……….中學生涯完了…我們由一個白痴既form 1 仔成為一個聖心英既畢業生, 經歷左好多, 有開心, 有悲傷, 但多得大家一直都係大家既身邊支持鼓勵……
過左來台灣第二年了, 我係僑大個年真係好開心, 認識好多好朋友
去左政大, 真係好大轉變, 好辛苦既政治大學生活, 不喜歡, 大學真係同中學好唔同好大分別, 唔開心多過開心, 又懶哂左, 唉, 我真係好唔掂!!!
我記得中學個時我們成日都係你侄下我我侄下你, 大家互侄對方, 跟住又講d低b白痴行為, 跟住又笑一餐, 以前真係好得鬼純真, 記唔記得我們一齊食早餐既日子呢? 仲有一齊行路放學呢? 而家是一個奢求, 都無咩可能發生, 你係澳洲咁遠
VIRGINIA, 你永遠都係APPLE既BEST FRIEND, 永遠都佔了一份好重要既位置, 認識到你可能係GOD俾我既GIFT, 所以我會好好珍惜, 唔會俾我們的友情有咩損傷!!!
VIRGINIA, 你第二個十年WO, 可惜我唔係你身邊, 唔可以同你慶祝, 希望你可以開開心心, HAPPY BIRTHDAY LA……你唔好成日俾咁大壓力自己, 你已經好勤力架啦, 總之要你開開心心, 唔准你唔開心, 我撐你
Ps:原來今日是我的農曆生日, 剛才mummy打俾我, 我先知…搞笑, 好巧
最愛你的APPLE~
2005/5/25
文章定位：
