24h購物| | PChome| 登入
2008-02-12 00:44:46| 人氣28| 回應1 | 上一篇 | 下一篇

爺爺和嫲嫲

推薦 0 收藏 0 轉貼0 訂閱站台

很久沒有去拜爺爺及探嫲嫲啦...

年初二, 一早(其實都成十點幾十一點架啦)同老豆去左觀音堂做每年既例行公事... 拜神... 媽咪吾舒服所以無去... 好彩佢吾係咩大病O者...

跟住同老豆去左大家樂(其實我好想去劉德記囉... 可惜無開)撐枱腳... 超多人... 討厭!!

然後去左拜爺爺... 好耐無拜佢啦... 每次去到都望住差吾多既位置搵爺爺... 不過每次都要老豆指俾我睇先搵到... 真無用... =_=....

拜完爺爺當然要去埋灣仔(係祖國既灣仔而吾係香港喎)探嫲嫲啦... 都有差吾多大半年無探佢啦... 去到都差吾多兩點... 個個都正在午睡... 本來瞓左覺既嫲嫲都俾我哩個好耐無見既孫女嘈醒... 嫲嫲見到有人探佢好開心... 不過... 其實佢已經望吾清楚我個樣... 亦都吾知我係邊個啦... 佢其實知道我地係佢屋企人... 亦知道我係佢既孫女... 不過... 已經分吾清我係邊個孫女之麻... 坐底10分鐘吾夠嫲嫲已經叫我同老豆快D返去... 話夜... 又凍又落雨... 吾好坐咁耐喎... 每次去探佢都係咁講既... 臨走時佢仲叫我俾心機讀書... 其實... 佢咁講... 吾係因為佢知道我讀緊科大... 只係... 係佢心目中... 佢個個孫都仲好細個... 個個都仲係讀緊書咁囉... 嫲嫲其實真係老左好多... 自從爺爺走左之後... 我知道其實佢好悶架自己一個人係大陸... 但無法... 澳門似乎無人能夠(有D係吾想)去照顧佢... 所以只好留佢一個人係大陸... 唯有盡量多一點去探佢... 不過... 知道佢身體仲好健康... 算係咁啦...

我要檢舉
台長： 天使黃

您可能對以下文章有興趣

人氣(28) | 回應(1)| 推薦 (0)| 收藏 (0)| 轉寄
全站分類: 不分類

我要回應
Mocha
我嫲嫲都係灣仔人黎架....咁岩既...
2008-02-13 23:12:42
版主回應
其實我阿嫲吾係灣仔人... 只不過佢係住係灣仔既護老院咋...
2008-02-14 14:26:07
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文