一路好走＠LePlusBeauJourDeMaVie 生命中的美好日子

2014-11-26 15:00:00| 人氣403| 回應0 | 上一篇 | 下一篇

【事件一】賴太（斬雞中）: 「阿媽，把刀都唔利嘅，要嚟自殺都唔死啦」

婆婆: 「咁你囉張刀擘落自己條頸到，睇吓死唔死得囉!」

【事件二】婆婆: 「唔飲燒酒? 成晚眼光光，仲洗瞓嘅? 」

⋯⋯

【事件三】婆婆: 「食咗幾十年煙，叫我戒咪即係等我死快d?!」

【事件四】做緊校工時的婆婆，話帶我入實驗室，我驚裡面個排吊起嘅骷髏骨，死都唔肯入。

【事件五】婆婆學精咗，話帶我入實驗室睇bb。我心諗: 乜實驗室有bb睇㗎咩? 我問佢: bb喺邊呀？婆婆話: 「因為佢唔乖，所以俾人整咗做標本，以後都放喺個樽入面。」我好驚，死都唔入去。結果婆婆呃咗表弟入去，指住個櫃入面，仲要語重心長咁同佢講: 「你要乖呀! 唔係就好似佢咁，俾人攞去做標本㗎喇。」

那是我第一次知道，婆婆可以好暗黑，為咗要教好我哋，可以用d咁嚇人嘅方法，。我同自己講，以後佢話帶我去睇乜睇物，都係唔好去喇。

【事件六】過年婆婆實自己炸腰果，賴太見我食幾粒，已經窒住唔俾食，驚死我又喉嚨痛。婆婆睇唔過眼，吼賴太一轉身，就猛俾腰果我食。我諗佢係世界上唯一一個夠膽死同賴太作對嘅人。

【事件七】我失戀時，唔理三七廿一，一定覺得係個男嘅「蝦」佢個孫女。婆婆:「俾我見到佢，我實打佢個xxx，xyz?$&%……」

【事件八】每次見面或通電話，最後她總對我說: 「偉欣，要開心d呀! 唔好唔開心喇!」我說: 「我知道了，別擔心!」我知道，無論如何你還是會擔心的，但除了這樣說，我也不知還能說什麼。

我的白髮魔女，您還有話要跟我說嗎？今晚你回來時，一一跟我講，好嗎？

二零一四年十一月十七日

我要檢舉

台長：十十

人氣(403) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)

LePlusBeauJourDeMaVie 生命中的美好日子 長留在我心的你不會變 96愛的鼓勵 2訂閱站台