LePlusBeauJourDeMaVie 生命中的美好日子 長留在我心的你不會變

96愛的鼓勵 2訂閱站台

班中數個小孩子病了數個星期，星期二那天我也終於中招，感染了流感(捱了數星期才病倒，今云我都算厲害了)，加上聲帶發炎，已經一連幾天未能開聲說話。因為要靠把口搵食，失聲都令我感到無助和徬徨。同事見我如此辛苦，一早就勸我試飲咸竹蜂水。我成世人最驚就係蛇蟲鼠蟻，仲要我飲昆蟲泡出來的液體？！我決定未到最後都不會用這一招，於是我靜觀其變，看看是否會有轉機......

西藥已吃了四天，情況未有好轉，賴太見我忟忟地，什麼人蔘花加甘草、秋梨枇杷蜜、喉糖...都買了給我吃，但依然沒有起色。考慮了數天....我今天終於買了幾隻咸竹蜂來泡水飲。真係好驚呀.....賴生仲話要舂爛那些咸竹蜂，真係令我毛骨悚然唉...不過話之你係咸竹蜂定咸曱甴，總之能令我開聲的我都要試一試....現在那杯「極品」仍在廚房內，我想像那些咸竹蜂的腳和翼在開水中載浮載沉......十級恐怖呀！點算好呢？飲定唔飲呢？心情十五十六...唉...死就死啦，大不了咪嘔番隻蜜蜂腳出來！好！我現在就去飲了它！！明天仲出唔到聲，我就去搵那個勸我飲咸竹蜂的同事算帳！