我今日返工，好想大笑 皆因發生左d我覺得好好笑既事囉 呵呵
今日，我岩岩食完一啖仔粥，諗住再出去買個面來食啦，點不知阿八婆叫我，我以為又係例牌要去幫佢地買飯，咦，唔係喎，點不知呢，佢叫我一齊去食飯喎.......
點不知，去到，佢叫左個沙鍋雲吞煲，陰公，望落就知好細，一定唔夠食，點不知佢話要四個人食一個，四個人，仲要係兩個大食既男人，加埋佢(細食既)，又唔知加埋我呢個大食既人，大佬，邊夠呀 不過，好彩，我有打定個小底je，唔係真係會餓暈 呵呵
我最想笑係我boss，佢食野好似細路仔，邊食邊滴係件衫度，八婆講佢呢，阿boss仲要滴多d，笑到我肚爆
好啦，食完一餐唔飽既飯，返到公司，八婆叫我睇佢盤花，咁每盤花呢，佢都有放一個膠盤喎，佢托起盤花，叫我"mung"個膠盤出來，我話"咦，好似"絕"住左喎，mung唔到既??" 佢話"用d力，食左飯，應該有力，唔會爛架啦，放心" 好啦，我就好大力，因為我真係驚打爛，佢盤死人蘭好貴架嘛佢話。點不知，我用力一下，mung左出來之餘~~~~~~~~~~~~~~~~~~
有.......................................一條好大既............................蜥蝪!!!!!!!!!!!!!!!!!
嚇到我死，但我覺得我已經好過好多女仔架啦，起碼我無大叫!!! 呵呵 因為我識得係適當既時候先高聲呼叫囉 呵呵
之後八婆話"哦，我係屋企搵左佢好耐，我本來係屋企就打算搞掂佢，點不知，原來佢跟左我返公司"
我就好白痴既應答話"嘩，佢仲陪你坐車返工呀? 勁喎!!" (講完都覺得好白痴 哈哈 冷~~~~)
我當時竟然個腦諗緊第d野，就係.......幻想緊八婆搵手拎住條蜥蜴，跟住食左佢 個一刻我真係差d大笑左出來hahahahaaaaaaaaaa 咁我梗係無啦，即刻諗d好正經既野 哈哈 因為我諗如果我笑左出來，佢實以為我痴線 哈哈 後來佢叫我陪佢去廁所沖左佢，嘩，我呀，認住個格，以後都唔去個格，容乜易第時佢游返上來架 呵呵
好啦，忍完兩場笑之後呢，我心諗今日應該可以就咁收工啦...........
點不知............
當我下午用改錯帶(即係好似膠紙咁既塗改液)，阿boss(即八婆老公，我唔想叫佢八公，因為佢好得意，好好人) 呵 阿boss走埋來話，咦，你呢卷膠紙係白色既，點解會係白色架呢??
我已經有d想笑既情況下話"下，玩野咩，塗改帶都未見過。"
到佢好神奇既眼神望住我話"下，塗改帶?? 乜家火來架?? 你試範一次比我睇下，開下眼界"
心諗(靚仔，玩野下話~~)
我咪用一次比佢睇囉，點不知..............佢話"嘩，太神奇了!!! 佢係乾架喎!!!! 仲唔駛等添!!!"
我話"下!!!!! 你唔知架?? 真係唔知架?? 佢係乾架，唔駛等，仲即時可以寫上架，仲唔會整污joe添!!"
即時覺得自己好似sales~~~ 推緊個支野
點不知，佢好抵死"咁丫，我未見過架，可唔可以醒支我用下呀??"
我心諗，你唔係下話，呢度d野全部都係你既，叫我醒支佢用喎，笑到我死。
我話"我去儲物櫃度搵支出來醒比你用下 哈哈 "
佢話"好丫，比我拎多支返屋企練習下丫，咁我係公司用起來唔會咁論盡"
嘩，我真係超頂佢唔順，我唔忍得食，又唔忍得笑架嘛，大佬，玩野咩，今日忍左二單笑料，又來一單，唔掂架喎
比左佢之後，超級頂唔順，一個人走左去廁所大笑，我心諗好彩個時已經過左五點半，我地呢層其他公司都係收五點半，如果唔係，我笑到一半，有人走入來，真係會拉我入青山
依家打左出來，同大家分享，我都係邊打邊係度笑
Comments (3) ( Previous | Next ) Last Published Delete
如果你唔想叫Boss做八公,不如叫佢做好公o October 26 8:40 PM
Published by: RepeatingMan (http://spaces.msn.com/members/manyue0131/)
尋晚部電腦short short地,打唔到字,所以今朝起身再試過,好彩比我試到;哦,原來個台婆叫八婆,佢老公係你老細,個八婆甘有閒情,帶埋D花番工,你老細好搞笑,連塗改帶都未見過,仲話拎番屋企練習(就算未真係未見過,試兩試就識用拉),四個人食一個雲吞鍋,真係少左D,甘你尋晚晚餐食左乜呀,我尋日都有D痴左線甘呀,十下十下甘,你轉左space既背景比較令D,我想你在這間公司工作,會幾開心o October 26 5:40 PM
Published by: RepeatingMan (http://spaces.msn.com/members/manyue0131/)
哈哈哈，姐姐，你表要那么搞笑好不好 October 25 10:26 PM
Published by: sammi维凌 (http://spaces.msn.com/members/swlsammi
文章定位：
