尋日，岩岩過，唔係喎，香港時間係前日啦，是但啦，重點係4月23呀!!記住!! 哈哈，我生日呀!! 第一次係美國過生日咋!!
竟然食左兩餐囉!! 飽到我乜咁~><~
中午同d國際學生食午餐，意大利菜，超正，但真係好飽呀~~ 仲要來個蛋糕呀，都唔知點解次次都要我食哂個蛋糕既~~"
最開心係係間餐廳度，大家唱生日歌既時候，竟然全場靜哂囉，可能因為我地好大班啦，所以一唱就全場都聽到掛，唱完，全場拍手呀，搞到我好鬼怕羞，面都紅埋呀@^.^@ 許左願就吹candles啦，好開心好開心.........
到晚餐，就同美國人一齊過，食美式食物啦梗係，飽到我乜咁又~~
中午個餐都未消化哂，就話又來晚餐喎~~" 但我真係頂唔順，打左包返來啦，唔係我驚我會飽到嘔~~"
美國人送禮物真係好搞笑囉，送三朵花，bookmark，咩都有，但好公式化，係個個都會親手寫張卡比你，幾熟到幾唔熟都好啦，個個都會寫張卡比你，就算只係簽個名都好，佢地都會買張卡比你既
我鐘意都係其中一個美國好朋友，送我一間百貨公司既購物券，超正 哈哈
買乜都得啦 =) 以前都未收過，今次收到，覺得又正又實用^^
有人送我Victoria's Secret既野呀，搞到我幾怕羞呀，唔夠膽係大家面前拆呀 哈哈 @^^@
有人送我香水加body lotion呀，係Elizabeth Arden架，點解唔係我係飛機上面睇中個套來既?? 但隻味好香好正呀^^
今日真係出乎意外地收到超多禮物呀，本來以為大家肯係考試前來食飯我已經好開心架啦，點知依家收到咁多禮物，真係超開心 =) 好滿足 Thanks, God for giving me so many friends to be with me for my FIRST birthday in USA =)
最開心，就係其中一個美國人今年十一月結婚，佢話請我去飲呀!!
到時仲開心，第一次參加美國人既婚禮^__^ 幾唔得閒都要去呀!!
今日真係意義重大同開心 =)
聽日要收心讀書啦!!
第一就係要戒上網 呵呵~_~"
今日破例上來po一po生日咋 呵呵
文章定位：
