昨天考完道德試，就很累了，和james、rene，一起去吃午餐，吃完，rene說很無聊，我們就去"遊車河"，結果就開到了這裏很出名的monroe lake!! (因為Indiana屬於五大湖區，所以這裏的湖都很漂亮很出名)。 因為是玩"即興"，所以就沒啥準備，咩都無影到囉 嗚嗚 但就親身體驗了現場既風景。很舒服，很漂亮囉。
回家途中，james說載我去買一點菜，因為他過幾天要去玩了，rene(一個美國jd學生)明天也要回家(texas)了。那也好，我就去買點菜囉。
結果~~~~~~~~~~~買好，他們一想，就說要來我家吃飯>< 因為他們明天都走了，今天只有我一個人買菜，他們都當苦力，就說要來我家吃飯>< (唔係丫化?? 嚇死我咩，我都唔識得煮野食，咁點嗎?? 而且我屋企咁"屈側"，點請佢地來呀?? 個個屋企都鬼火咁靚@_@" 好有壓力架喎~~~)
(歹勢啦，我要寫廣東話了，因為這樣比較可以表達，嘻嘻)
之後咁我梗係好驚啦，咁點嗎，迫到埋身啦喎，唔煮都唔得啦，咁我唯有煮意大利面，因為我最叻就係煮呢個架啦，而且又簡簡單單咁。仲衰，買左兩罐頭chilli添呀，哈哈，老實講句，都係無乜野好煮之嘛，乜都係簡簡單單，仲抵死就係尋日間supermarket唔知做乜大減價呀，可能個個都走去玩掛，咪益下我囉 呵呵
我既菜單:
1. Chilli Soup with bread (w/ cream butter)
2. Spaghetti with cheese
3. Fruits (baby tomato, grapes and baby carrots)
4. Banana Split (dessert)
5. Beverage (beer and soft drinks)
6. Coffee or tea
嘩，睇落好似好正咁，其實真係好求奇架咋，講真，d野食麻麻咋，但我識muj既一招，就係整到好好睇睇咁，就算唔好食，佢地都會覺得視覺既感覺好嘛。哈哈
james同rene話要來，我叫多個泰國同學，因為佢住得我好近。
我四點一返來到，就開始執屋，大掃除啦，跟住我將塊布鋪係張檯度囉，叫我同學拎D刀刀叉叉同埋碗碗碟碟來，因為我平時得我同我室友，兩個人之嘛，咁多刀刀叉叉做乜喎，而且我地都好少一齊食飯，多數都係自己房食。所以張檯好求奇架咋，咁我咪即係鋪檯布呀，放到好好睇睇，仲要搬埋D chair出來添呀，都唔夠坐，四個人，我得兩張chairs咋。我執好張檯既時候，不知幾想有個花樽呀，應該會好靚，但可惜都唔知去邊度搵，咪放左個碗生果拼盤做擺飾囉，哈哈，個d遮遮"im im"我最叻架啦，哈哈哈 (死啦，唔知係唔係老呢，好多字都唔記得點寫>< 嗚嗚 邊個識，考下我個隻字點寫呀，唔該)。
咁我上菜啦喎，佢地一來，佢地自己"針"酒啦，我唔飲，佢地大讚我張檯鋪得好靚呀 哈哈，我上湯同包先，之後就來意大利面，再到生果拼盤，最後上香蕉船，一隻大既，大家一齊食，嘻嘻。之後就係咖啡同茶。(好彩我個泰國同學好人，幫我拎好多野來，唔係我都唔知點好。哈哈，一額汗@_@")
d同學都幾好，話要幫我洗碗，我話唔駛啦^_^
佢地仲參觀左我間房呀，佢地話雖然細，但係都幾"骨指" 哈哈哈 =p
之後就係睇下電視啦，傾下計仔啦。
夜晚我地仲去唱k呀，本來好緊張架，車，點知去到只係得韓文歌、日文歌，同一大堆英文歌。唔貴囉，係唱廳既，但d歌唔係好岩我唱，我後來都只係同一個日本同學唱宇多田既First Love咋，後來我都早走，因為考完試，一路無停過，又執屋，又煮飯。超累~~~~
ps……今日又令我諗起係台灣既時候，一大班人去玩。後來發覺一樣野，又係得一我一個女仔@_@" 同個時係台灣一樣，鬼叫咩，僑大班frd，女少男多。依家我地個班又係，女少男多，而且d女仔既男朋友都係美國，一放假，仲唔一齊玩咩~~ 嗚嗚 又一個羨慕><
我發覺我可能真係幾男仔頭，好難同女仔玩得埋咁既，我多數都同男仔玩，佢地當哂我兄弟咁既><" 一齊玩，我都覺得男仔好玩d，無女仔咁少氣，咁心胸挾窄。(梗係唔係個個都係啦，我都有女仔好朋友架!! 你就係啦^_^ 你咪就係睇緊個個囉 呵呵) 只不過，我係會覺得，唔岩玩既女仔，我就唔同佢玩囉，我唔鐘意勉強自己! 有時連我屋企人都話我成個男仔頭咁喎，唔似得女仔咁斯文喎~>:<" 車，我鐘意丫，呵呵
好啦，玩完啦，我要休息讀下書啦 =)
文章定位：
