這篇要用廣東話啦(sorry)
雖然我都唔知仲有幾多人會上來睇我既近況，因為我知道大家都好開心咁去過年，但寫底係比我自己同最好既個幾個朋友睇既，所以我都係會寫幾隻字既。話唔定將來回顧返都會幾開心呢?? (會嗎??)
返左來幾日，除左時差問題，其他都ok既，因為就來要畢業可以離開呢個討厭既地方啦嘛-..-" 呢度真係我同學講既"鳥唔生蛋"既地方。有時我都好想問，咁鳥唔生蛋，佢點出來架?? 呢度好多雀仔架喎 呵呵 (我傻左，唔駛理我)
呢幾日煩選課既野，好煩好煩，想修個d滿哂，加唔到~><~ 無拉拉要搞到我要修好多科好重既野，唉，認命囉，讀死我~>~< (知我好懶架嘛，係唔係要羅我命呀??)
最唔開心，係尋日出左一科成績，自己最有信心個科，點知成績唔理想，唉。咁其他無乜信心既科，咪唔駛睇，咪仆直???? 嗚嗚 仲有兩科未出，但其實我都已經唔想知成績係咩lu，無興趣知。突然對自己失哂信心。唉............(突然又覺得自己跌左落谷底~><~)
呢幾日有一種無力感，提唔起勁做任何事，唔想同人講野，唔想見到人，鐘意玩自閉，連電話都唔想接(當然除左屋企人啦!!)。我第一次會連飯都唔想食!!(真係第一次呀!! @____@ 我咁為食，竟然都會有呢種感覺!!!!真係天下間大奇聞呀!! 哈哈哈哈) 我係度諗如果可以只係食維他命又或幾粒咩咩丸可以代替一餐咁都幾好喎! 慳返我d時間去整野食，雖然我依家已經係求奇非常咁去整d野來食。唔記得講多樣野，da姐，我返來食粥食到依家，尋日食左個泡面，今日食左少少飯同larp(唔識寫~~)腸，頭先食既時候，都唔多想食，但覺得咁我唔死得架嘛，要survive，哈哈哈。好似去左玩survivor遊戲~_____~ (我知唔好笑!! =(
唔想讀書都要讀架，迫自己睇先得!! 因為你地都話好羨慕我有得讀書，我真係知道咩叫"你睇我好，我睇你好!"
為左自己既將來，我會以最快既速度重整自己既心情架啦!!收心養性，快d進入狀態!! 比心機讀書!! 好好讀埋最後一個學期!!
ps我呢排先發覺原來我都好自閉架喎!! 除左識得成日大笑，成個大笑姑婆咁，我都識得唔開心同喊~><~
文章定位：
