尋日有間公司打電話黎叫我今朝早九點半去面試。
個職位好似系客服，
唔知中文定英文囉，
都無問清楚添。
我淨系記得幾日前系網上亂投簡歷，
投咗好多，
所以都唔記得自己投過邊D職位囉~
總之就有殺錯，沒放過啦！
諗住去試下囉，
反正都沒壞嘅，
唔得咪算囉，
如果得咗都未必會去做咖，
因為唔知間公司嘅條件如何，
所以都系要比較下先知。
尋晚去睇房好夜先番到宿舍，
又好鬼遲先沖涼，
因為人地要沖先咖嘛，
自己又系客，
當然要等人地沖完先咖啦。
搞惦曬所有野都十二點幾囉，
覺得好攰啊，
好想訓覺。
休息好今日去面試。
好彩我尋日下午上網查咗點坐車去果間公司啫，
如果唔系今日就真系唔知點去囉。
其實依家住嘅地方離果間公司好近，
坐公車只要兩個站，
但系要轉車，
咁就沒咗四蚊了，
來回就八蚊，
真系有D心痛D錢，
未賺到已經要洗咁多，
講真呢個幾月黎淨系用黎坐車嘅錢都已經唔少了，
前幾日先沖咗羊城通，
但系依家又差唔多無錢了，
唉~~~依家出黎真系乜都要使錢。
廣州唔似得我屋企，
去邊度都要坐車，
系屋企邊度使坐公車啊，
都系行路就可以到。
出到黎廣州，
無疑系多咗車費嘅開支。
不過系一個城市生活，
就要適應呢度嘅生活方式，
咁都無計咖，
家陣穩食艱難啊~~~
講咗咁耐好似都未入正題添，
好啦，咁下面就講下今日面試嘅事先啦。
雖然今日八點就起咗身，
但系仲覺得時間唔夠，
搞到成九點先出門，
出到又要穩打印嘅鋪頭打印簡歷，
因為尋日唔得閑，
所以沒打到，
之前打印果D都用曬，
所以依家要臨急臨忙搞，
真系有D失策！！！
下次一定要做足準備先得，
所以我一次過就打印咗五份，
囉黎備用。
出咗門先發覺我唔應該著呢對鞋，
好辛苦，亂到我個腳後面鬼咁痛，
真系好後悔！！！
如果唔系趕時間，
我一定會轉頭番上宿舍換咗佢！
後尾坐公車轉車果陣發覺自己落錯車，
本來要坐多一個站先落嘅，
我就提前咗一個站就已經落咗了。
落咗先知自己落早咗，
唉~真系傻啊。。。
沒計啦，我系傻啊嘛！
咁唯有打電話去果間公司度問果個人應該點行囉。
第一次打咗好耐都沒人聽，
隔咗一陣又打，
先至通咗。
果位小姐態度好好，
不厭其煩咁講我知應該點行。
好在佢態度好啫，
如果佢態度差嘅話，
我諗我有可能唔去面試添啊。
後尾都算順利咁穩到咗果間面試嘅公司。
入到去果位小姐（其實就系電話入面果位小姐）就叫我填張職位申請表，
於是我就去填了。
。。。。。。。
過咗幾耐下，
跟住兩個女嘅就安排咗包括我在內嘅三個黎面試嘅女仔一齊入會議室度面試喇。
一開頭見到面試果個女嘅就唔多LIKEY佢，
覺得佢面目可憎！
果然到咗正式面試嘅時候，
佢就將佢乞人憎嘅一面表現出黎了，
睇黎我嘅直覺都幾准下噶，呵呵~
我答問題果陣，
佢就以一種好鄙視嘅眼神“掘”實我，
搞到我周身唔自在，
心諗：頂你個肺啊，使唔使咁啊？！以為你自己好靚咩！醜到咩咁。。。
你職位高就大曬啊？！幾高都高唔好老世啦！
我都唔知有咩得罪佢，
我由始至終都表現出和譪可親嘅態度咖，
就系唔知果個老女人點解會咁樣睇我，
真系莫名其妙啊！
點解呢個世界會有D咁奇怪嘅人嘅？
唉~~真系悲哀！！！
呢次面試嘅氣氛真系超難頂，
我頂唔順果個女人！
唔使面試了，
就算得咗我都唔系好想做，
原因：我睇個面試官唔順眼。
點解要俾我響連續兩個月內遇到D咁嘅老女人嘅？
實在太恐怖了！！！
天啊，唔好再玩我啦！
後尾面試完之後果個老女人同我地講叫我地番去等消息。
我鬆咗口氣。
唔知點解，其實我唔系幾中意份工，
因為要24小時輪班，
例如晚上8：30到第朝8：30，
呵，咁仲得了嘅？
我自問系挨唔到夜果種人黎噶，
加上我真系唔中意咁樣日夜顛倒嘅工作囉，
所以我情願佢沒錄取到我。
嘻嘻，因為我想面試多幾間公司，
面試多幾個職位先再作打算。
總之工作嘅野唔可以求其嘅，
一定要穩到岩自己嘅先，
你話系咪啊？
嗯，一於系咁啦。
我面試完之後就有間公司叫我今日或者聽日去面試，
呵呵，外貿跟單啊，
去睇下先。
不過果度離我住果度有D遠咖，
唉~聽日又要奔波了！
真系好羡慕已經穩到野做又或者唔使自己穩野做嘅人，
唔使好似我依這咁成日奔波勞碌，
真系幾慘下噶。
不過唔經過呢D又唔知穩工艱難嘅啫，
我媽話齋，依家系要靠自己出黎闖咖喇！
嗯，雖然有時覺得自己仲系傻傻地咁，
但系其實都唔算好傻啊，
起碼我都識自己穩面試嘅公司啊。
有時覺得亂咁撞下都系好事黎嘅，
唔經歷呢D又點會長大呢？
我想靠自己嘅能力黎穩到工作，
同埋穩到棲身之所，
之後再慢慢努力穩錢！
呵呵，要定好目標先得喇！
從今日開始就要努力喇！！！
YEAH！我相信自己得嘅！！！
加油加油！！！
文章定位：
