苦了自己一＠小情歌｜PChome Online 個人新聞台

2003-08-04 00:43:52| 人氣41| 回應0 | 上一篇 | 下一篇

苦了自己一

推薦 0 收藏 0 轉貼0 訂閱站台

八月一日至五日是澳門的二零零三年度的管樂節，我在MAGGIE邀請下便入了導遊組了，負責「貝蘭登保薩克風管樂團」。

第一次開會就無謂講啦，第二次開會就精彩啦，安排在三十一號，話明九點，等我仲無啦啦在TOP ONE唱唱下K仆返去電廠間工業大廈開會，點知去到成九點半都未開始，又無冷氣又臭又熱，真係頂唔順。不過我地導遊組都算好啦，第一批開完會，十點多就走得啦，聽講剩返未開會的人開到成點半呀！！超慘～～

到左八月一日我地個團未黎，以為冇野做啦，點知俾負責人一號叫左我地八點半去到機場對面的中國大酒店坐等人到，唉，聽到超驚訝！！好彩負責人二號叫我地晏D，九點返到琴行?POSTER，等負責人二號來交帶返一些事情，十一點多經過二輪的轉車便到了，我地坐係度做推廣，派下小冊子咁啦，第一份的小冊子居然係一個大陸伯伯?，佢仲在我地面前?黎抄低佢自己要做的野，超好笑囉，樣衰死！酒店到有一個開門的哥哥好攪笑，應該係賓藉（我估），佢只係望住我地個COUNTER笑，冇講過野。坐到一點就散啦，跟住下午就好閒啦。

到左八月二日，我地本來要去碼頭接團的，點知負責人一號話我地的團員今日唔黎喎，搞到我地要去友誼廣場到佈置，由中午十二點一直曬到下午四點，不斷係度泵波波，掛波波，拾波波，貼POSTER，做到成隻野咁，仲冇水冇得食先慘呀！！不過都唔錯啦，識到讀暨大的CARMEN姐姐，佢風趣幽默又搞笑，跟住到左四點我就陪同CARMEN姐姐左右沿路由友誼廣場派波波到大三巴，浩浩蕩蕩咁，都幾威的，我地帶住班粵華，佢地有D好細個，都幾好笑的。去到之後就一個人捧住成六十支水爬上樓梯派，都幾折墮，後來佢地大合奏時我就同MAGGIE撞到陳X聰老師，講左幾句我地又要做野啦，真係唔好意思啦！！收埋垃圾我就抱住疲累的身軀上左MAGGIE的屋企，不知不覺就睡著左啦，訓到成七點鐘，驚覺我要返屋企陪媽媽食飯（因為我成個禮拜夜晚都唔在屋企喔），就即刻仆返屋企食飯，個人好?，唔想行，起想死！！黑眼圈現哂，阿媽話我塊瘦左（梗係啦，成個禮拜都出哂街，都唔知有冇食過野），又黑左喎，慘絕人寰。

我要檢舉

台長：洗衣機

人氣(41) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

回應(0)