小情歌 她想要去弄清楚， 一些無法確定的事情， 她不曉得他心中 那些不確定的感覺， 是真的不確定， 還是因為她自己的不確定， 所以才變得如此不確定。 如果是因為她自己的不確定， 才會搞得一團糟， 她該如何確定那些不確定？ 如果是因為別人的不確定， 她又該如何和那些 不確定取得確定？ 我確定了.... 您呢?

121愛的鼓勵 0訂閱站台

今日, 去了三軍睇皮膚科, 女讀會三條女, 終於到我了, 但我想我係佢地間都無事個個囉, 哈哈, 女讀會三條女, 而家感覺真的不復再了, 一個暑假返黎, 咩都變左好多, 係三軍行出黎個一刻, 真係叮左一聲, 自己居然可以咁唔自愛, 連睇醫生既錢都無, 自己黎讀書究竟係為左咩丫? 自己真係好傻好無用, 唔識好好照顧自己, 又亂使花費, 又成日作賤自己咁, 講到呢度, 真係想喊, 升到大二至今, 我睇清左好多野, 覺得自己比以前收斂左, 呢個「以前」, 我想更包括中學時代吧, 唔知係心境老左定點, 睇返以前大一, 而家真係殘左好多, 好想返返去以前, 好多改變好多野, 我就係個種成日後悔既人, 成日唔識珍惜現況的人, 唔知自己幾時先可以改, 大二讀書又好似差左咁, 有時真係好咀喪, 成日自己呃自己, 自己為自己定好多好多野, 不過好似無邊幾樣做到咁, 好想搵個人鬧下我, 鬧醒我, 對任何事都係咁, 帶團體個份衝勁同熱心, 我想我係迎新宿營呢個活動中完全垮下來了, 原來以前中學既一齊都唔代表甚麼, 覺得自己當初誇下海口, 到而家得返黎既結果, 唔係自己咁想, 好失望, 自己想返, 原來中學真係溫室既小花, 到左大學一切都唔同了, 重新學習, 以前覺得自己都幾有領導能力, 但原來一齊都係自己想, 自己根本唔係個個LEVEL, 唔係個個層次, 好多野都好似力不從心咁.....
對事, 對人, 都係咁, 愛情方面都好失敗
同A一齊個時, 自己真係好唔識珍惜佢, 有人對我好, 變得很理所當然, 佢所做既一齊我都覺得應份的, 直到我太過份, 佢亦選擇放棄, 自己先知道自己錯了; 同S一齊, 我想係無咩朋友基礎, 太衝動的決定, 自己又經常將佢同A比, 有時S為我做既事, 自己會覺得我都經歷過了, 還比S做的好很多, 太多的比較與衝動我想係今次自己既犯既錯, 仲有未夠堅定, 但還是進步了; 20了, 下次我想要走更遠, 可以犯錯, 但不可以一錯再錯。
升大二到而家, 發生既事真係好多, 一浪又一浪的衝激, 做事無想清楚太衝動, 讓自己做了很多錯誤的決定, 讓自己對自己好失望, 希望即將踏入2006年, 可以更成熟, 更能為自己著想, 為自己努力, 懂得愛己愛人。