今天是星期四，又是上攝影課的日子。
我們組(?)雖然沒做過甚麼，但是仍然堅持最早回到課室，
務求盡快見完老師可以快點離校。
下午一時半，老師照舊會遲到一點，我們班同學又走進租
借器材房找王師傅閒聊。他又重申說他其實是「大師」
（玄學那種啦），還即場在褲袋掏出一封千元利是，說是
他剛剛為別人批說幾句而收回來的，可見他收取的費用還頗高昂。
當然，問得就自然信，不信就不問，所以我們亦深信不疑，
只是想像不到這樣的大師會在ＩＶＥ的影樓裡當個器材租借員(?)。
剛開始的時候，先是說阿業的瑪瑙石項鍊的甚麼「氣」，
然後談到家居風水，再來不知怎的又說到掌相問題。
王師傅握著某個同學的掌，說這說那，說到婚姻線的時候，
說她會是個早婚的人，但是會有很多狂蜂浪蝶，在婚後仍然
會有很多人追求，而且她還很花心，所以都感情方面都頗混亂。
──以下內容為求貼近真實，部分對話將會用口語寫出來──
同學：「咁我唔花心咪得囉？」
王師傅：「妳唔花心既話條線就唔會咁啦！」
「哈哈，又講得幾岩喎！」我們一班圍觀的同學都笑了起來。
後來，王師傅又話自己的婚姻線是打疊來，一條心，而那個同
學的就比較混亂，所以可以看出她經常三心兩意，猶豫不定。
我本來也無意被王師傅看掌的，不過我當時也有看看自己的掌
紋是否跟他說的相似，而我也看到我右手（男生的左手代表先
天，右手代表後天，女生則相反）有三條分很開的婚姻線，所
以又搭訕說：「妳夠我花心？我有三條婚姻線喎～」(見圖，哈哈)
王師傅聽見之後，又握著我的掌看看，然後又變得很認真的樣子
（他本來是個很輕鬆的人啦），就是好像有甚麼嚴重的事！
他看過右掌又看左掌，說：「拿，你而家左手條婚姻線，俾另一
條線『侵』緊，而家睇唔清楚，係因為未熟，婚姻線被打橫間斷
即係有破壞既意思。」
說到這裡，大家同學亦靜了起來，他看多一會，又說：「拿，我
要提醒你小心，你係感情上會受到好大創傷既人。」
我心諗：「你駛唔駛咁準呀！」
然後他睇過我右手那三條婚姻線，又說：「你都係會早結婚既人，
但係我提醒你呀，你果三條線咁樣，如果你真係早結婚，就會有離合。」
我冇出聲，因為我本身都唔打算(?)早結婚，但係佢見我好似唔明咁，
又講：「離呀，即係離呀～」
即時全場同學Ｏ晒嘴．．．我心諗，你講到咁明仲唔知咩，離婚呀嘛！
王師傅跟住又話：「仲有呀，你要記住，女人雖然好可愛，但係都好
可怕！」真是他媽的準到．．．。
之後，又說到第二個同學的掌，大家都不約而同覺得王師傅睇掌真係
準到裂．．．功力深厚非同小可。
離開學校的時候，阿業又話：「嘩，咁你都幾慘架喎，咁如果第時你
廿零歲女朋友要你結婚，唔結就話分手，咁點算？」
我話：「吓？早結婚既話又會分，唔結婚既話佢又話要分，咁我寧願
唔結了。」
業：「咁又係喎。咦，咁咪即係點都分？」
我：「．．．．．．」
──記錄完畢──
呼，看來，無論怎麼努力，還是沒辦法得到幸福吧。
多等一下嗎，信自已嗎？嗯。
最少現在這刻，我的創傷就像婚姻線一樣深刻。
p.s. 原來我是玩弄感情的人──by冒牌王師傅
「人呀，運不與我果時就最慘架喇，
就算你有沖天大志都冇用！」──正牌王師傅
文章定位：
