玩塔羅牌＠百感交集｜PChome Online 個人新聞台

2004-09-06 00:06:22| 人氣105| 回應1 | 上一篇 | 下一篇

玩塔羅牌

推薦 0 收藏 0 轉貼0 訂閱站台

尋晚真係好開心。

早上照舊要返工，仲有好多工作要做，加上我精神又有Ｄ差，但好奇怪我又會過得非常輕鬆。

等到六點半左右，阿邦都仲未返，咁我咪謂有自己鎖門走先。
鎖門走已經唔係第一次了，所以都冇咩話好與唔好。

事先已經約左阿婷阿笑喺愉景新城等。
因為喺荃灣去愉景要行一段頗為長嘅路，所以我坐小巴去到荃灣，決定打俾阿蕭，同佢一邊行一邊傾，咁我就冇咁悶。

大約十五分鐘倒我就到達，同阿蕭收左線，然後我就打俾阿婷問佢喺邊樹，原來已經去左通利睇琴，然後我仲要搵佢地，皆因我都未去過通利。
幸好唔難搵，如果唔係我一定打佢呀。

冇幾耐，豬仔打電話搵我，但好快就收線，因為死人龜婷囉，狂叫我收線收線，唔收都唔得啦。

之後佢地竟然話出返去南豐食飯，當時情形緊系話冇所謂啦，其實我想話你地聽，我黎左一陣咋，早知你地要出返去，咁我就唔入黎啦，你話係咪好冇謂先，白行一倘。

出到去，要搵一個可以坐得耐，平Ｄ，又可以吃煙嘅地方，我地諗到嘅系，稻草人囉，係，係稻草人呀，又方便，行前Ｄ就係了。

一邊食野，一邊傾返中學Ｄ事情，講成晚都唔夠講呀，仲笑死我地大家添呀，已經好耐冇試過好似今日咁，講好多好多以前嘅事。

十一點半，諗住都返屋企，阿笑要返早麻，而我第二日都要返工，但我地經過ＣＩＴＹ嘅時候，有個攤擋係玩塔羅牌，阿婷諗起佢家姐話喺荃灣玩過一擋好準，但就唔知係咪我地經過呢擋，然後同阿笑講，你可以玩下睇下好唔好，點知阿笑又話好喎，咁我地就一齊走過去睇下價錢，佢地兩個就揀左個一百蚊四十五分鐘任問，我就唔想玩，驚唔準麻，好似上次喺廟街玩個次，雖然好平幾十蚊，但我唔想聽到咩唔好嘅結果，令自己唔好過。

我一路睇住佢地玩，越睇就越覺得準，死嘞，我好想玩添，想問下自己黎緊半年係點，心思思，又決定唔到。

問問下，阿婷就話，你都問下啦，冇所謂啦，玩下睇下自己好唔好針麻。
我份人冇咩定力，個心又已經好想，加上婷嘅言語，咁我就出事了，真係問喎，最搞笑係我越問越多野想問囉，證明我都幾信呢家野。

中途仲搞鬼呀，殺出左個唔知咩嘅女人，突然走過黎問Ｄ好恐怖嘅問題，不過呢Ｄ都係小風波，唔多重要。

玩完都已經差唔多點半，然後送左阿婷去搭小巴返屋企，之後我同阿笑行返去ＣＩＴＹ個邊坐通宵小巴回家。

返到屋企已經接近兩點，本來想寫低塔羅牌Ｄ結果，但太攰了，拿拿淋沖涼吹頭然後訓覺。

我要檢舉

台長： Jumbo

您可能對以下文章有興趣

平凡

吃吃吃

２００６／１２／１０

人氣(105) | 回應(1)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 深綠色日記 |
此分類下一篇:玨哥生日
此分類上一篇:唱ｋ

回應(1)