呢幾日...我成日諗我係唔係要唔做呢份工
我都未試過做份工..可以做到想喊
未試過有一排係要收夜晚12點...人都快癲啦
(做左呢份工,自己都覺自己情緒真係好d問題.係d乍.朋友們唔好咁驚我)
我成日都諗住幫手清晒佢地上年度d野(都幾亂既數)
我本身真係大好強烈既理念,想出多d力去攪好間公司
但係越做落去,我就要想放棄..
真係好想去忘記晒呢d野去玩一晚..一晚狂歡都好呀
我自問都努力清左好多舊野數..但係到目前為止
我都仲有d舊數做緊..
加上做做下呢樣,無啦啦有人叫做第二樣..咁邊樣先好
之後仲有個同事話走..個同事仲要係係公司入面同我最深交既一個
起碼辛苦都可以同佢狂講..但係尋日佢都同左老闆娘講左唔做
咁我..點算..佢走左..不但無得傾計..更加上佢d野,要我做埋
我依嫁都好多野做啦..仲比我...真係想死呀..
想做落去有返d經驗..但係頂硬上真係好辛苦
都唔知點解好多人都好似唔鍾意自己份工
係我地唔滿足..還是唔想安於現狀
但係如果做得唔開心..真係好難受
我都好明白..自己程度唔係叻...都好難搵到自己想做既工
雖然係咁.就算比自己搵到..都覺得好我係好似為金錢以工作
現實真係現實
有時諗返起真係阿媽好好..知我辛苦都叫我諗清楚.又話屋企唔係等我開飯
哈哈...呢句真係岩聽...聽到呢句覺得有好大既支持呀...嘻嘻
有時真係唔想睇得咁灰..但無計..個腦成日諗埋d無謂既野
都係要快d諗下做落去定唔做,咁攪法頭髮都白呀
個腦都快爆呀....
如果做,就唔好再怨辛苦
如果唔做,就唔好後悔
點解每當要決定一樣野既時候..
好自然就諗...最緊要係唔好後悔
後悔都真係好可怕呀
一生之中..後悔係唔可以有兩次
文章定位：
