與麥當勞叔叔絕交的內幕消息...＠~~涼亭小站~~

2010-03-06 09:51:33| 人氣57| 回應0 | 上一篇 | 下一篇

推薦 0 收藏 0 轉貼0 訂閱站台

我常常感受到~~我是受上天眷顧的幸運兒..

因為每當我遇上~或將會遇上不幸的事之前,上天都會給予我一些信息...

上文提要,話說,近日麥當勞35周年推出日日送優惠...

我怕是會蝕本似的,不單每日在MSN,FACEBOOK等等地方推介朋友今天的優惠....自己也親力支持..不端早餐,下午茶....老麥叔叔都與我常在...

連我自己都懷疑,係我入左股老麥,定係老麥落左降頭...

總之,我就好似鬼上身咁~~連网友都話~~我呢D貪小便宜GA心態~~根本就係一個師奶~~唔配做一個姑婆~~嗚~~姑婆地位受到一個紅色爆炸頭~血盤大口~只係愛我GA金錢~GA男人所動搖了...

一日,天父終於都頂我唔住啦.....

話說,一日早上,我提著我心愛GA老麥~價值MOP$21.5~豬柳蛋芝士扭扭粉套餐加 1蚊即磨香濃咖啡...走在一條長長的街上...

突然,街上刮起一陣大風....原本~大約27.5度的氣溫驟降至我相信只有10度左右....我身體一陣抖擻...冷不防,如一道邪風入體!!OH 奶野!!

又突然,身體一陣一陣作痛!!!係邊呢>>>???就係個肚!!!一陣一陣抽筋~~~好似作動要生仔咁!!!我相信!!生仔GA痛苦離我今次肚痛不遠...

然後我心想.....他媽的....仲要行一大段路先可以反到公司~~~但係我而家極度需要~典黎典去~以紓緩我GA身體不適...

最終,我用我驚人GA意志反到公司....

反到去,我立即同同事講..我不適..可能一陣會走...

然後就扒左係張台到.....臨死之前....我不忘叫我同事....麻煩..幫我食左個早餐....

倒頭一睡...不知是幾時...

突然...我身體的不適不見了...

我想..是什錦事情如此神奇??

原來,我台頭一望...同事已經把我的老麥早餐都吃光光了,然後,然後.....我悟出了一個啟示...

這是上天對我的勸告....

我最近實在食太多老麥了.....我是不應該這樣的....我應該要收手了...

於是,我立下了誓言,要與麥當勞,不,還有麥當勞叔叔絕交...

在MSN的名稱上,我表達了出來,有朋友問,我同麥當勞叔叔有D咩過唔去...

佢地唔明...

佢地一D都唔明....

可能,我再食~個天會罰我,會將我個頭變到好似麥當勞叔叔咁,而個口又會慢慢變大同變深紅色...到時真係邊到都唔使去...

我要檢舉

台長： =**=小婷

人氣(57) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫)

回應(0)

~~涼亭小站~~ 快樂..不快樂..快樂後我們都不快樂... 人生就是要你被一種東西俘虜去做其奴隸... 有人願被錢征服, 有人為快樂而生存... 然而...快樂的定義是什麼? 172愛的鼓勵 0訂閱站台