今天是一個非常開心的星期日!!(^.^)
今日又要一早起身,因為今天早是我家的拜山日.伯伯七點半準時的駕了的士來到樓下等我o地,而我o地亦進時落樓回合他,一家六口浩浩蕩蕩往"和合石"去.去到和合石,見到浩園又添多了墓碑,真的有點感慨,因為那兒葬的是殉職公務員.我的四伯麻就是葬在浩園對面.我們替四伯麻的墓碑重新油得靚靚,拜祭過後,接注就去歌連臣角(紫記)拜爺爺麻麻.
幸好我們早上山咋!在離開和合石下山時,一路見到上山的路塞滿了車,如果遲D都唔知點算了!亦因為眼見咁樣,加上聽到收音機的報導,我們好驚柴記塞車和不准上山呢!不過我O地好好彩,去到柴記不用塞車之餘,還可以駛入火葬場拍車添,唔洗行餐死.
拜完了爺爺麻麻,12點都未夠,真的非常暢順.HEHE,亦在我掌握之內,因為......
我下午約了阿怡呀!我們離開了柴記,又是例牌到伯伯樓下(大坑)的菜館食飯,食完同伯伯道別後,我們就歸家去了,不過我就沒有歸家,而係往旺角方向去,因為我今日下午三點約了阿怡,阿思,還有小強去唱卡拉OK呢!!
我剛剛好3點去到旺角中心,阿怡已經到o左了,但因為阿怡和我都人有三急,所以我o地唔等阿思佢o地就上去取房了!取房時,又是我發揮我學生證工用o既時候啦!因為我的學生證指有兩個用途,一是唱K有9折,二是入學校圖書館.
我o地今日唱K認真威!因為4個人唱一間15人大房.阿怡在洗手間出來後,入房一見到都嚇了一跳,我即時同佢講:間房妳玩晒啦!我今日同佢一齊唱o左好多首歌呀!多數是Kelly和千嬅的.好正哦~~!!唱o下唱o下,不經不覺到六點,是時候要散場了,因為阿思佢兩自己有節目,而阿怡就要返屋企改簿&做功課,所以我們要講bye bye了!!真係唔捨得.走的時候我又係例牌問阿怡洗唔洗送返屋企,而佢的反應亦都每次一樣..."唔係o下嘩!!"
原來阿怡成4個幾月無唱過K啦!所以今次我o地搵佢唱K佢好開心呢!阿怡真的好辛苦呀!不時都在忙學校的工作和自己的功課......可惜我什麼都幫唔上佢的忙.
別過阿怡,我第一時間打o左電話比思詠,分享我的喜悅呀!亦都因為可能我咁樣太無聊啦!所以思詠好似唔係咁高興咁...對唔注阿思詠,搔擾到妳添,我已後唔用電話打去搵妳啦...真的SORRY呀!!
打完比思詠,我就跟注打比穎思,又是無聊的要朋友分享我的"喜悅".真的唔好意思呀!!我竟然因為咁o既事就開心到打比人o地,我真的好無聊同老套呢!對唔注呀兩位,但我真的好開心呀.......
講完電話,就展開我今日尾場活動,就是我o地"5A四賤男"(新名字)的購物活動啦!我們四人先是揀禮物比瑩瑩,結果在IT揀o左套銀包比佢作為生日禮物,然之後沿途不時講衰o野的去了旺角電腦中心,陪Leon哥買了部Palm515,這部o野勁啦!是Palm最新型號,成$3250架!我部PalmV就埋去揀直就似古董呀!!
買完機,4條冷上了大快活食晚飯,本來食完打算再又下場的,但點知新阿嫂(LEON的新女友)打電話來叫牙痛,LEON就啦啦聲食完飯趕去睇佢,而我亦好識做地叫佢留底佢今日的戰利品比我幫佢帶回屋企.佢走後,得o番三個都唔齊人,於是就一齊返沙田各自歸家了!!
今日真的好開心呀!因為可以見到阿怡,可以同佢一齊玩得咁開心,亦因為咁開心,之後我同Leon佢地玩得令舍放,甚至可以用"風騷"來形容自己添!!
阿怡,我真係好鍾意妳o架!永遠都咁愛妳!I LOVE YOU FOREVER 韻怡!!(o^_^o)
文章定位：
