唉喲!!幾天無寫日記日了,因為......
12/4/02(五) "看更開工了"
又到星期五了,又是要當看更的日子,已經偷懶了兩個星期五,今晚非開工不可.先兩個星期五是公眾假期呀!所以中心不用開門,那麼我就賺少"三舊水"了.
經過主持早上的"組大會"和晚上不停入會員資料,個人倦死了,所以返到屋企沒有寫日記,睇o番o的錄影帶就去睡了,因為第二天一早要起身哦......
13/4/02(六) "無能量lu~~"
六點,六點,個鬧鐘都未響阿媽就來叫我起身返工了,真是奇怪,阿媽為何可以咁早叫我起身返工呢?雖然阿媽叫o左我,但我都要在床戀到六點半起起身呢.
起o左身梳洗完,就快快脆的落樓下食個早餐,坐車往屯門出發去了!!不知是否早上的交通暢順,我八點在穗禾苑出發,竟然八點九就已經到了屯門大會堂,真犀利!早o左三個字,要在門口等呀,等到九點先有得入,一入到去先是見到Winsome,跟注就係林生和其他三唔識七的人,悶到暈...幸好過o左一陣,救星出現了,就係阿麟呀!佢o黎到我先有得有傾有講咋!
咁早去到屯門,原來係無o野做o架,我只是同阿麟吹o下水派o下場刊咁就一個早上了,到o左十二點,幫王姑娘帶o左班會員出街食飯,就剩o番自己一枝公,於是就悶悶o地去了"DAY LEE FRANCE"(我的私人譯名,因為我唔識串)食飯,食完飯,準時一點回到大會堂,但點不知...D人都未返到,真係激死我,知就唔咁乖準時返啦!既然人未到齊,那就訓陣先了...訓到阿麟都返o黎,我都開工了!我做D乜?咪做帶位囉,還有做"引路犬"添,做帶位不是什麼,做引路犬先膽戰心驚呀,是關如果引領要領獎的人配合不上上台的時間,就會出洋相了,所以我的心裡其實是多麼緊張呢!因為如果有乜閃失,D老細不知會怎樣對待我呢!!但幸好沒有什麼出錯,是關有祖箨和阿CUT的幫手呢!真的唔該晒你o地呀!!
節目完了,林生放我可以跟中心車走呀.hehe...真開心,有免費車坐.但要有付出o架!就是在車內唱歌和攪氣氛呢!又唱又叫,結果使我疲憊的身軀倦上加倦呢!
本來晚上係約了阿麟,蕉皮和祖箨出旺角食飯睇波直落o架!但由於自己實在太倦頂唔注了,所以返到屋企沖過涼後,要阿麟同蕉皮兩個人就晒我,落去禾輋食飯呢!不過好開心呀,我帶了他們去我5A同學會常去的陳根記食飯,邊食邊傾,過了一個愉快的晚上.今晚真的多謝你兩個聽o左我講咁多,真的好多謝你o地呀!多謝蕉皮,多謝阿麟!!(^_^)食完傾完,佢兩個就出旺角回合祖箨繼續,而我就歸家去了.不過我回到家不是即刻睡呀,因為我要睇波呢!!那麼賽果是......EASY LIVERPOOL,奧雲萬歲,一戰定江山!!
14/4/02(日) "柏林...再見了"
今日睡到差不多成11點先起身,因為賓在太倦了.到了中午,同屋企人飲完茶,就出太子探BB,今天我約了蕉皮一齊去呀!還有她的一位朋友一起添!但上到去,就接到一個消息,我不知該說是好消還是壞消息...,因為那消息是...華華告知我...柏林仔已經給屋企人接走了!!我日後該無乜機會再見到柏林仔了,我真的唔捨得你呀!那我只能為你送上祝福,願幸福永遠屬於你,願"成長小天使"會伴隨你成長,不受任何傷害......
探不到柏林仔,華華就安排了另一個BB給我,他名叫"思毅",是一個我從前未探過的BB呢!佢係點?我覺得佢個樣有D似我細個,就連成日要人抱和唔肯被其他人抱這個特徵都似我,不知是否同我有緣呢!另外佢有樣好特別o既o野,就係佢一見到Karen就會哭,真的不明白,Karen有一次探佢,佢有哭到拆天咁,真的奇怪,難道Karen有牙....?思毅開頭對我都有D"生補"o架!但經過我同Sylvia和Colin一輪耍玩後,他會對注我o地嘻嘻笑了!
探完BB,同Sylvia佢o地講過bye bye後,就一個人去o左旺角行,頭號任務是要去買楊千嬅最新CD.我都估佢尼次隻碟實係被人炒貴了...果然沒錯,要百二...不過我照買o左呀,因為心急呢!買完碟,第二任務就是消磨時間,行旺角模型店,因為我買上七點半約了朋友食飯,買完碟個陣先五點半呢!磨o下磨o下,終於磨到成七點了,係時候入馬鞍山啦.......
今晚的飯局係陳小姐(瑩瑩)攪的.出席者有我啦,陳生,骰仔,肥姚和她一位朋友(我們的新朋友)..."Joan",Joan是肥姚在紐西蘭的同學兼朋友,她今次是回港渡假的...本來這是沒什特別,新朋友o者,但特別在是她的樣子,佢個樣真的好似盧莉英呀!只不過係白過盧莉英好多.不只係我話似,其他人都話似呀!最衰佢下禮拜後就返紐西蘭,如果唔係實約埋盧莉英出o黎,等佢地兩人"相認"呢!(肥姚真的過份,有靚女都唔一早介紹比我同陳生識)有我們出現的地方,想安靈都幾難,所以Helen的舖頭給我們攪到"曹喧巴閉"呢!食完飯,散水了,我送o左骰仔返屋企後,都歸家去了!
15/4/02(一) "做功課??"
因為我的AL就快爆廠了,所以這兩天都是放假...我今朝成11點半先起身呀!是關昨天行得真的好倦呢!
起o左身,食碗麵後,就上網,本是想寫日記的,但上唔到明日報的網站,於是就去check e-mai.但唔check尤至可,一check就把幾火,因為那個邵曉玲將我的舊e-mail send爆了!害我用o左成個幾鐘先清得晒!!如果不是多得佢成日send爆我個e-mail,我都唔洗叫大家用我的新add呢!
清到三點左右,莫先生來電約我出旺角,我本想唔去的,是關昨天未行夠咩!?但佢話係取回佢o架車喎,我o緊係飛都飛出去啦!因為佢取回部車,即係我有錢收o番囉!收o左佢線,就和媽咪出門口,媽去買Å,我就出去.出到去旺角,一手交錢一手交貨後,我二人就行o左陣街,昨天都只是買了千嬅一隻碟o者!但今天就...hehe,不過好開心,因為兩樣都是我的心頭愛.
買完o野,別過莫生後,就一個人去了花虛幫媽咪買埋花肥,再打了兩鋪,就歸家去了.本是想做功課的一天,咁就無o左了!!
二家姐下星期一去澳洲了!
文章定位：
