不經不覺寫到第二百篇日記了,沒想過自己竟然會有這樣的恆心,真是難得.在此要特別鳴謝"秋思",因為沒有她的"思簿仔",就不會有我今日的"夢星雲".真的要多一次多謝妳的啟發.
昨天是既忙碌,但又開心的一天呀!先是一早(早過平日起身返工)入屯門探望一位老人家,陪她和另一個老友傾計飲茶,同老人家傾計,最大的收獲就是可以聽到一個個不同的故事,讓自己認識多點民間歷史.
探完老人就回沙田,見還有時間,就去o左打兩鋪機先返屋企,返到屋企,醒起原來要睇o番餅帶,因為阿妹已經無帶錄o野了,如果再錄唔到,佢一定又鬼殺咁噪!於是"那那聲"睇,就因為睇埋餅帶,結果害了陳姑娘陪我一齊遲到呢......
昨晚又係仁愛堂同事(朋友)約出來的聚會,今次人多o左呀!隨了阿麟,祖箨和蕉皮外,還有阿Meg,阿欣&bf,Ivy和Sharon(唔知有無串錯),我們是次活動是去西貢BBQ呢!而今次燒烤都可謂經典了,因為燒燒o下突然遇上大雨,雖然我們揀了有瓦遮頭的地方燒,但因為上蓋問題,我們要在"瀑布"旁邊燒o野食,場面真是有趣.
燒完o野食,大家議決去卡拉OK繼續,係阿Meg和阿欣bf無去咋,真可惜.不過我o地去到,似乎大家都不是智在唱K,而係"砍酒"(個?酒唔識寫).阿麟同幾個女仔顧注玩骰仔,結果他輸多贏少,被罰飲啤酒飲到傻,而蕉皮就在飲o左唔係好多的情況下好早就"淋o左"了.......
正因為大家玩得高興,尤其係呀麟,點到要捉注我玩放D,其實我唔係唔想放,因為有時候"心情"尼樣o野好難講,心情困擾得沒心機的情況下,真的好難玩得放,是關我個人係要"開心"先會好放,如果有心事,我個人好難括開不快的事.相反我係個種要在一個平靜的環境,將自己唔開心的事訴出來,訴完後我才會無事.玩得幾放都得.
昨晚在卡啦OK是開心的心情,真的不宜吐苦水呀!但我都好多謝大家的關心.而如果第日有機會,我一定搵埋我另外班friend出o黎玩,因為我班friend一樣玩得咁癲,尤其男仔部份,haha!簡直係天下第一大賤人幫(包括我是小賤人).而粗口尼家o野當然是掛在他們嘴邊,我始終係唔能夠"無啦啦"講粗口個種呢!請各位見諒.昨晚真的玩得好開心呀!玩到成4點幾先返到屋企,所以今朝差唔多成12點先起身呢!
hehe...我昨晚和祖箨討論的該是沒錯了,我在旁的都是少出聲為妙,以免礙人嘛!自然的好!
其實硬要把朋友分級不是太好,我覺得友誼和感情(戀愛)發展都是要漸進式的,因為友誼和感情是要經過時間,共同分享和一起經歷,才會與日俱增的成長.其實有緣相識已經是上天的恩賜,因為使人不會感覺孤單,我做人好難去憎一個人o架,但要我令身邊的人成為好朋友就好易.而往往反而係我自己會計較不知朋友點樣去睇我,可能是出於隱性的自卑心掛.(^_^)
因為昨晚的夜歸,所以今天12點先起身,在吃過弟弟買回來的午餐後,我有去實踐行動,去了行山呀!而且是來回個隻,行完落去,然後行返上穗禾苑o架!因為我要去禾輋買雜誌呢!(=P)不過今次我發現自己真的大不如前了,從前讀中學的年代,放o左學背注個重幾十斤的書包,行同一段路行2/3才喘氣的(向上行),現在竟然行一了半並是在沒有拿書包的情形下就喘晒氣了,真係無鬼用!咁後生就咁鬼樣,點得o架!我真的要好好改善o下先得了!
行完山買完雜誌,回家第一時當然是要洗白白啦,因為已經成身濕晒了!洗完白白,跟注就煮午餐比弟妹,展開一個悠閒在家的假期lu~
昨晚唔記得比架巴士仔阿麟添!
新低地台巴士上架了,正!
文章定位：
