已經一連幾天沒有寫日記了,是關很忙碌呢!不是有街去就是開工,還有幫同事上門攪上網(hehe,但我唔點呢!),所以到今天才寫呢!
昨天是我第一次到保護兒童會做義工,同"柏林"仔玩呀!柏林仔是誰?咪就係我要陪他玩的BB囉!我的義務工作就是每星期抽一日的一個小時去和BB玩.而我負責陪玩的BB,佢個名就叫柏林仔啦!佢好得意o架,眼大大,好鍾意紅色的玩具和敲擊物件時發出的聲音.但那些都不特別,特別的是他常常會流口水呢!使我一路同佢玩,不時都要替他"沒口水"!不過時間過得好快,一小時間的探訪很快就完了,要星期四再見他呢!
探完柏林仔,就趕回沙田和大家集合,買好晒飲品,一行人往西貢進發呢!!我們一班friends幹什麼?就係去西貢釣墨魚呀!其實昨天是我們為LEON,LEO&盧莉英慶祝生日的活動.
我們租了一艘船,駛出西貢海面,船上有雞粥炒麵供應,味道不錯,但我們的活動當然不只是吃呢,而是釣墨魚.最初大家的反應不太熱烈,但當開始有人釣到時,各人的興奮心情都走晒出來了!一條,兩條,三條......不斷的有墨魚上釣,真係開心!HE~但我就無鬼用,釣左一陣間,釣得個兩條就收工,改行去釣魚,是關我對釣魚興趣大D呢!不過昨晚的魚好過份,唔肯開口吃我的魚餌,只是哄哄O下,結果得個吉!
到了唱生日歌,吃蛋糕的時候了,一眾朋友為他們送上禮物,送的高興,收的開心,熱鬧非常,同時船家亦把我們的"戰利品"烹調好,有椒鹽和沙嗲兩種,煮得好好食呀!我們邊吃邊玩,可謂情緒高漲呢!飲飽食醉後,都係時間回碼頭了!回到西貢,有的要去九龍,有的中途下車回家,最後餘下我們6人加埋放工才加入的阿婉,一齊回到沙田飲o野傾計!但傾o左一陣間,我的肚子又發作了,害我不能同大家傾就要回家吃藥去了!真可憐!其實我真係好想同大家傾計o架!因為好耐無坐底傾了!現在要等下次了!
昨天還有一事要講的!就是阿怡比電話我呀!在坐車去西貢途中,電話突然響起,來電顯示的名稱是阿怡呀!我一見到十分開心,跟注第一時間按仔接電話.她打來搵我為乜?hehe...原來是問我和家姐送給她的Snoopy標籤機在那兒買,因為她想走去那兒買o番合用的標籤帶呢!我一聽到就緊係即時話佢知,兼且話埋邊一處會有得買呢!!雖然和她的對話只有咁多,同埋講o既內容亦都只是這些,但對我來說已經是一件非常非常非常開心的事了!(^_^).平時佢就算打來只是問丁丁o野,我都會開心到暈呢!
hehe...開心的一天就咁過了!
今天下午去了Poly上堂,但因為昨晚夜訓的關係,在聽我最有興趣聽的內容O既時候,竟然都會"釣魚"呢!!HAHA...可能是昨晚的延續吧!(=P)上完堂,我就拖著疲乏的身軀回到沙田,打了兩鋪機就回家了!(今日成績不錯,用6蚊就打爆兩次機了,一次用主隊法國,另一次就是用英國呢!)
各位好朋友,可能又有幾天不見我寫日記了,是關我又有一份功課趕注交啦,死期近呀!所以O黎緊幾日我很大機會沒時間上網呢!我希望今次可以好快嘔出份功課,不用再遲交呢!大家支持我嗎?如果支持,給我一個"愛的鼓勵"呢!!(^_*)謝謝大家!!
文章定位：
