因為明日報個人新聞台維修關係,我已經幾天沒有寫日記了.今晚可能寫得多一點呢!
先寫星期五,那晚不用當看更,我就一枝公走o左去買禮比阿怡和馬姐,星期一要為她們慶祝呢!原本想話出旺角買o架,但個晚下大雨,紅色警告呀.所以我先到沙田,找找有無要送比阿怡的標籤機,hehe,竟比我在"商務"搵到,咁就當然即時買下啦,既然阿怡的買到了,那麼懶惰的心就走了出來,而'懶惰'的好朋友就是'藉口',所以我對自己講:"落大雨呀,唔出旺角了,在沙田搵埋馬姐的啦!".結果就在沙田足足行o左成晚,在一間精品店買了一隻"跳跳虎錶"比馬姐,可能大家覺得低B,但我真的想不到送什麼了.只有本注一個心意就算呢!!不過禮物仍有下文呀......
到了星期六,是長週呀,要返工,不過例牌沒有工作FEEL,所以沒有幹過什麼就收工了.因為答應了鍾太幫她接收新電腦,所以等埋佢收工,之後去食小小O野,然後上佢屋等工人送O黎,結果等O左一陣,三點左右新機送到了."哥哥仔"三兩o下手腳就攪點了.兼且試晒我想試o既o野,我都唔洗點check了,所以差不多5點我可以走得!(我知鍾太的大仔唔係咁鍾意,但唔好咁啦,Tiny機都不錯o架)既然比我預計的時間早咁多,所以我就辭別鍾太,約埋骰仔幾個一齊在沙田吃晚飯,然後出紅館睇鄭秀文演唱會,佢個show都不錯,歌都ok,不過我始終不是Sammi friends,沒辦法投入,但總算玩得開心,睇完個唱,我們一行9人就byebye了!
話說回頭,昨日在去鍾太屋企途中,打電話比阿思,知道阿思搵到馬姐,得知馬姐想要的禮物...嘩!驚人了,她想什麼"LV"的銀包喎,要成二千幾蚊,她稱自己出一千,其餘的由我們出...千幾呀,就算5個人除都要成二百幾啦!!救命呀!!加埋我已買了的一隻二百幾的錶和請食飯,還有阿怡原先的禮物及要加碼至同馬姐一樣價錢的禮物...破產了!!!我同阿思商量過,就算真的要買,也要下月先送了,因為大家都已經沒有錢了.
今天是星期日,但都要開工,因為是本堂的壞鬼屋鸷義賣籌款,本來做是沒所謂的,但今年"乜太"當我們阿四咁點,做東做西,而且好似中心籌款而唔係屋鸷籌款,什麼都是我O地自己做o番晒!!激死我兼夾倦死我,因為要搬來搬去好辛苦的呢!所以我回家睇o番盒帶,就去了小睡片刻,到醒來時已經要吃晚飯了!!
吃過晚飯,打電話通知各人明晚時間,打到比阿怡,阿怡又有說話使我心亂了.我同佢講,阿思想睇她法國"留學"的相,她刻意向我提起要收起幾張相,佢話:"我識了一個男仔,是日本籍的,好正o架,她同佢好好...."吞吞吐吐的唔肯講點樣.害我的心又一次實晒,當然我又要在電話筒內裝笑呢!(=() 不過我收線跟注打比積奇蓮,她說剛和阿怡行完街.我一聽見咁,就即係問阿怡有無同佢提起那個日本人,她說有,不過阿怡只是輕輕帶過呢!!這樣的一講,我個心先至舒服o番小小咋,我希望明晚不會又有什麼使我不快的耳語呢!
明晚同阿怡和馬姐慶祝生日呀!又可以見到阿怡了,成個幾月沒有見過她了,真的想快d到聽晚呢!!希望明晚會是一個開心的晚上呢!!(^__^)
文章定位：
