Easy Liverpool......
好o野!利物浦又贏波了!贏了慈善盾,贏了曼聯!! 老麥好波!奧雲好波!!那位新球員18號仔"埃爾斯"(暫譯)表演不錯,要繼續努力呀!!利物浦新一季一定奪得聯賽冠軍!!
唉,經過一連幾日的趕工,昨晚終於嘔左份功課出o黎,流夜走去黃埔交份功課,真的想死,我以後一定要盡時做好功課呀!就係因為我趕功課,所以兩天沒有寫日記了.
今日是星期日,同屋企人飲完茶後,就一個人乖乖的返左學校,還書兼借書,今次真的吾敢懶了! 咁好機會走到旺角,緊係吾會放過行街街睇o野啦,就算一個人兼熱辣辣,我都好少理! 離開了圖書館,先到了環球睇模型.hehe...比我搵到兩盒好o野,兩隻1比1200的模型船,一艏是"Titanic",一艏是"Aida".前者大家都應該認識了,但後者大家可能吾知佢係乜東東,現在就由我簡單介紹一O下啦!!
AIDA ,1996年6月7日於Rostock下水,她是一艏主要服務德國旅行客的豪華郵輪,全長1935m,共11層,有28000hp,船上共有593間房,可容納1186位乘客,她夏天時行走於地中海,當到了冬天......hehe!!就是我最希望到的加勒比海了!!
加勒比海是我最想到的旅遊地方,我話過我一生最少要去一次(最好係可以去好多次),而旅遊的方式是坐郵輪,然後再去不同的小島享受陽光,藍天碧海與海灘,還窺探加勒比海裡不同的島國風情......我希望有一次是可以一家人去,有一次同我心愛的人(去多幾次都無防),到結婚之後就同老婆仔女去.......呵呵呵呵!即係去好多次. 坐郵輪去加勒比海旅行,是我一個一定要達成的夢想,目標.我要努力呀!!
睇完,買完模型,就去了信和,hehe,比我發現到"傻機"呀!!我在地牢那間賣美國卡通精品的舖頭裡,發現了"Futureman"卡通人物的公仔賣呀!好可惜的是其中的一位主角,機械人"傻機"竟然缺貨喎!那麼我只好叫店員幫我訂一隻,要過兩星期先有貨呢!兼且比其他有貨的貴$30呀!!無計啦,鬼叫我想要咩!!
"Futureman"是什麼? "傻機"又係邊個? 如果你是有線電視的觀眾,又有睇娛樂台的話,就可能知是什麼了.其實Futureman是一套美國動畫,故事講述一個年青人在公元2000年時比人急凍o左,到公元3000年先比人放番出o黎,之後他認識了一班好朋友,經想發生趣事. 內容雖然有點色情成份,但集集都有帶出一個訊息,要人思考,例如有環保o既,有關於哲學o既,家庭論理o既,道德問題等等......總之就係有教育意義啦!不過小朋友就可能吾o岩睇了! 而傻機又係乜水? 就係片中的一個機械人,主角的好朋友,他為人(機械)咸濕,鍾意飲酒,兼且非想貪錢.想想都有好多事攪出o黎,要人幫佢執首尾.
如果大家有興趣想睇,就去有線睇睇有無重播或播新的一輯啦!
信和行完了,就急急腳的趕回家吃飯,因為舅舅來了我家呢! 之後食完飯,睇過波,咁就一天了!
今日我要借法國的泥土來保護阿怡,我的心依舊保守著她,免她受任何傷害.
阿怡,究竟妳咁多日來係點呢?真的好掛注妳呀!!
文章定位：
