5/6/03 "溫馨的幸福"
今日不用上班,因為去了尖沙咀上中文電腦網頁製作課程,本以為好悶同無料到,但點知上上又覺得幾得意,hehe,希望學埋下星期的一堂,可以製作一個屬於自己個人的網頁呢!那時候,夢星雲就要同明日報講拜拜了!學多樣o野,又想買多樣o野,那就是數碼相機了......
上完堂過了旺角,終於落訂了,希望不用一個月就寄到來香港,那時希望真的可以給妳驚喜啦.
訂完o野,行o左一陣,就坐車入馬鞍山,因為詩詩今晚約了我們圖書館之友食飯呢!佢今晚帶埋佢老公仔o黎,還帶了他們之前影的結婚相,相裡面的她真的好靚呀!不過可惜佢身邊的新郎不是我...哈哈,這全都是過去了,現在見到她們兩人的溫馨幸福,我心裡不其然的有一種愉悅的感覺.再一次祝福她兩,永遠幸福快樂.
見到人家的結婚相,再見到新郎身上穿的警察禮服,自己好肯第時可以穿上陸軍軍官禮服,同自己心愛的另一半影呢...但我都唔知自己第日有無咁o既福氣.
6/6/03 "冷血動物"
今早是中心兩個月來首度恢復會員例會,但"非典"的陰影仍然彌漫會員之間,所以來中心開會的人不多.而就在開會之前,中心安排了一個"探熱程序",用所謂儀器的物件探探大家的體溫.我見如斯東西咁得意,於是就走埋鍾太處探埋一份,但點知我點探都是error,就連主任出動幫我探,結果都是一樣...哈哈,繼證實我的血糖低過人之後,今次向中心又一次證實我一頭冷血動物.
7/6/03 "海"
今日是第三個星期六要返工了,真是淒慘,但有幸的是,我今日第一次能準時收四點半呢,因為今晚蕉蕉搵了我去釣墨魚,所以我不能遲收工.
我今日參與本已是抱注出海遊船河的心態,因為我知道今晚不是釣墨魚的最佳日子,我真的只是想出海吹吹風...但到了碼頭,見到蕉蕉後,我兩竟發現了原來今晚連大大老細都......我同蕉蕉點樣都萬萬想不到,這一個職員休班後的活動,連他都會參與...唉~見到咁有份量的人,我兩去玩的心情都當場大減了...除了有勁人,是晚的墨魚團團友組成都有點"騎尼",是關這個墨魚團似一個親子團多o的呢!
我和蕉蕉都沒有認真的釣墨魚,大多時間都是在傾計.還有當有雨落時,入番船艙避o下雨,食o野同玩UNO.不過我真的鍾意對注個海的感覺,尤其在回航時在船頭吹著海風迎著浪,再加上同好朋友傾計,那可真是人生快事也.但這麼嘆的背後,我是要付出的,是關當時我係企向道,雙腳要"穩穩"的迎接每個浪.結果當回到家時,雙腳就...
因為在船上還沒玩夠和吃飽,所以我們上岸後就搵埋阿麟,一齊去再玩過...本來我是想唱K架,但點知無位,那就去了稻香吃火鍋(我用火鍋做宵夜都是第一次).嗚~~今晚又係無椰皇食哦~~
是日另有隱藏日記,但只限我的閨中密友才可以知.
8/6/03 "渣巴士"
昨晚好夜訓呀!但我並沒有睡至日上三杆,十點就醒了.
今日下午本打算做中心O野的,但因為要幫婆婆搵雪櫃,再加上同細佬去了玩"渣巴士",所以沒有做呢!不過那個巴士GAME實在太好玩了,今日本來就是星期日嘛,沒理由不給自己輕鬆一o下o既......工作?一於留待明早做,至多早o的起身o者
文章定位：
