星期二的晚上,都要成9點先收得工,但要趕的總算趕起了,成個人都有種如釋重負的感覺呢!這時的我已經倦透了,那種倦不只是生理上的倦,而是身心都十分疲倦,這刻的我最想就是有個人可以抱實自己,緊緊的擁抱著...但可惜,我沒有這點福氣,我只可晚上睡覺時,攬注熊寶寶睡.
到了星期三,人家來內檢了,幸好一切順利,真的鬆口氣.
是日證實了我住的大廈有人中招了,明天起我要比機構隔離三日,但可惜我明天已取了假,再加上之後兩日是公眾假期,唉~咁即係無賺呢!!
知道了無得去,個人真的好唔開心,好悶好失落呀,但只好怪自己是孤家寡人吧.惟有又搬出自己阿Q精神吧,放假有好多o野可以做o架,休息啦,執屋啦,砌模型啦,睇vcd啦,上網啦,搵朋友聚會啦......但其實,我真的好想...算吧!
我這個成日愛想東想西的人,今次又給了自已好多去想的空間......我越來越信自己沒有福氣同只好自己認命了.
(我怕有人誤會我乜乜乜乜,但千萬不要誤會,我只是在怨自己,絕無想要乜乜乜乜o架!)
昨日開始放假啦,hehe,又可以睡到11點先起身.雖然係放假,但因為晚上要返學,所以沒有什麼安排,只是留向屋企做住家男人,煮飯洗衫洗碗煲茶,還有睇埋o的錄影帶......直至傍晚.
到了晚上,終於上堂了,今次AC282C這位阿Sir好鬼鍾意笑的.講書時笑容滿面,見到連我都想笑埋一份,但最重要係都教得OK,不過要睇落去先知.
放o左學,約了蕉蕉阿麟,祖箨Sally去了凱悅食宵夜自助餐,這兒環境都ok,但食o既o野味道一般兼大都是甜品,所以大家似乎都唔係咁o岩食,所以我o地決定下次要搵番間正o既再"拆"過!
食完o野,想唔到有咩可以去玩,於是就決定去飲o野,祖箨仔帶o左我們去"諾士弗檯"呢,這兒我想去好耐的了.這兒環境好正,最適合一班friend圍埋一齊飲o野傾計.我們就有講有笑的坐了這兒兩粒鐘呢!我話我下次一定會再去呢到,因為真的好o岩成班friend去,不過有個人我一定要預佢,那就是陳生,因為這裡靚女多嗎!haha......!!昨晚真得好開心呀!!
昨晚由發夢了,今次見到阿怡啦,不過個夢又係好怪,唔知乜o野原因,阿怡比阿張生打,我一見咁情況更係唔放過佢,第一時間還手啦,同阿張生打起上o黎,打o左好耐我兩才比人拉開...我好記得打完阿怡幫我執番起已打爛的眼鏡兼對注我笑,個種笑似係多謝我救o左佢呢!成個夢真的好怪,九唔搭八的!!!
開心之下,其實......-_-
(^_^)今晚又有得玩了.....-_-
其實是我不知足o者.
文章定位：
