26/12/02 “大生日會&蕉蕉生日不快樂”
昨晚沒有安排節目，但我並沒有早訓，所以今朝都係成11點先起身。
今晚安排的節目是與夜校的幾個朋友互相慶祝生日，是關我們平時少約出o黎，一出o黎就會一齊慶祝一番，來一個大生日會互相送禮物；在慶祝之前，小燊先約我行街街，去了黃大仙的騰龍墟逛，那兒賣的東西唔係咁o岩我，但勝在小食店多，o岩哂為食的我吃過夠，不過這裡有個缺點，就係好大油煙，搞到我同小燊行完成身油煙味；行o左一陣，大舊都o黎埋了，於是我o地行多一陣見時間差不多就離開搭車去黃埔食飯。我們今晚選了食泰國菜＜＜金不換＞＞，二嫂早我們一步去擺位先，然之後邵曉玲都o黎埋。當我o地幾隻o野走埋一齊，噪喧巴閉的化學作用便自動產生，嘻嘻哈哈的使整間餐廳沒有安寧。
今日是蕉蕉的生日呀！我差點唔記得打比佢添，但點知打比佢的時候，她並不是在慶祝，而只是一個人……原因是她今年有一個不快樂的生日呀！！為什麼呢？為什麼要在一個女孩子本來開心的日子說出這兩個字，本來高高慶慶，浪浪漫漫的生日搞成咁……唉~~點解要咁呢，兩個都是我的朋友，聽到真的心up，希望他們遲o的會無o野啦！不過這件此終是他們兩人之間的事，我只能為他們各人祝福，但願二人都幸福快樂。
蕉蕉，生日快樂呀！！(^_^)
27/12/02 “慶祝”
今晚為蕉蕉的慶祝差點要取消，但最終都能如期舉行，真是開心。我先約了蕉蕉同阿麟在九龍塘會合（搵家姐的禮物），然之後逛o左一陣旺角先去食飯，我今晚揀了新浦崗的＜＜外野手日本料理＞＞食飯為蕉蕉慶祝，原因早幾日我細佬去過，他極力推介呢。我細佬今次果然無介紹錯，那兒真的好正，是關食物款式選擇多之外，質素都不差，而且生日的還有壽司生日蛋糕送和免費任飲，138這價錢真的抵，而環境方面亦給到人一種舒服的感覺，我下次一定會再去。在席間，蕉蕉開了我和祖箨為她送上的生日禮物「森林家族」，她十分喜歡呢！見到佢收得咁開心，我都好開心，是關這樣的玩意是我童年夢想的一部份，現在實現在朋友身上，我真的好開心呢！吃過咁正的晚餐，我們三人就出o番旺角會合祖箨一齊去唱K，在唱歌之間，我聽到一些絃外之音，所以我就同蕉蕉玩起“傳紙仔”來(都好耐無試過了)，傳的內容是什麼？秘密！我們唱呀唱，唱到兩點半就走人了，是關祖箨第二日要開工呢！今晚我過得好開心呀，我希望佢兩個的唔開心能盡快消散，好快開心o番，又或者佢兩個可以…嘻嘻…！
今晚我都收獲豐富呀！因為給我在旺角買到百份百感覺的Box Set和發現一處咁正的食飯地方呢！
文章定位：
