19/12/02 "無間道"
原地今日可以準時收工,然後去買六合彩同埋打o下機,先同陳先生去睇無間道的,但點知要等部堂車落o黎,一等就等到6點2先有得收工,"準時"6點半同陳生會合呢!一會合陳生,先係去食飯,因為我o地睇7點半.我o地食大家樂,本來美味的大家樂餐,都唔能夠細味品嚐,真的可惜,那個聖誕餐真的好好味味哦!
無間道真的好好睇,不過我唔鍾意個結尾...就是梁朝偉要死!原因係我一來鍾意偉仔,二來就係"中"o既人就要死,奸o既就唔洗死,仲有得繼續做英雄...真的無天理!!但也許現實往往就是這樣的...不過劉德華都唔見點好,因為戲中鄭秀文離開了他!因為我覺得在我心目中,世間任何功名利祿都只是過眼雲煙,只有"愛"才是永恆和最珍貴.
今晚已經開始頭痛.
20/12/02 "好頭痛"
今日一起身就延續昨晚的頭痛,所以我開工無耐就宣佈"投降",用"頭痛換取胃痛",食了兩粒"安理臣".但發覺食o左都無乜改善,搞到多樣胃痛添,真係陰公.結果我都係好辛苦咁捱到夜晚十點收工,返到屋企一上床就即刻鲻得著呢!
21/12/02 "繼續頭痛"
今日起身仍然頭痛,沒有什麼大改善的,於是我就想想導致頭痛的原因...呀!可能是一連四餐無米到肚呢!(我是一個一連幾餐無米到肚就會出現頭痛和四支無力的人,但我並不是愛吃飯的)我一想到這樣,就決定今天早餐吃"盅頭飯",我一食完發現確有些少改善,但續後仍然是頭痛無力...再這樣下去是不行的,因為下晝仲要開會,所以我就走過隔離萬寧,左揀右揀睇睇有咩藥o岩我食,結果比我搵到隻幸福出的什麼特強止痛素,食起來初初好似唔點,但當食過午飯後似乎發揮到功效呢!它幫我支撐起成個會!不過食西藥一定有得有失,這隻藥好"燥",我下巴則邊起o左粒瘡呢!好痛呀!!
今日下午個會勁長,開o左成4個鍾,4個鍾呀!開已經夠辛苦,但之後份會議記錄仲"甘"呢!我最怕做會議記錄的哦~~~
今晚同XX傾電話,發現原來大家都鍾意...可惜我太多o野鍾意了,加上自己是男仔,在取捨"玩具"方面我現在選擇了男仔個o的(即船,巴士,火車),不過我真的好鍾意那玩意呀!我細細個就好想有了... 妳呀!妳呀!點講好呢...什麼都是自己揀的,幸福也是屬於自己的,所以我點樣都祝福妳.
今晚大致約好24號的活動,現在只欠食飯方面,而26號的就完全約好,食飯時間地點全部ok.而27號的也有初型,轉頭再搜集資料.而31號的就要留在24號同大家傾了!!
文章定位：
