星期六，短週，我沒有像平時咁睡到好晏，因為今早要出旺角搞屋企層樓鮋№。本來我是約o左家姐個friend Roger十點出到去旺角的，但因為要做完家務，預備陳生同張生的禮物，再加埋要梳洗一番，結果要成十一點先出得門口呢。不過我好有“答圾”o架，預早比o左電話阿Roger話我會遲出去，所以十二點出到去都無問題。我去到Roger間銀行簽個名，再過對面律師樓交份文件，早上的任務就完成了，於是便去倫敦酒樓搵位同媽咪飲茶。
飲完茶，時間尚早，只是兩點幾，因此同媽咪講bye bye後，就一個人過信和同潮流特區逛，搵搵送給思詠和盧莉英的禮物，逛到最後終於給我揀到了，是兩隻錶，兩隻不同款式的手錶，不過那時候已經是三點半了，夠晒鐘要去探嘉軒啦！這時我隻手ling注鬼咁大袋№，加上行路又趕唔切，所以只好搭的士去探嘉軒呢。
嘉軒今日見到我唔再哭了，玩玩纒仲會笑添，我好希望和他的感情能慢慢建立起來，好似同柏霖仔咁。探完嘉軒，我ling注成大袋禮物，由太子行到去先達，目的是買最後的一個頭盔，因為我欠它就集齊晒十二個頭盔了！最初我好驚賣晒o架，是關那間舖係旺角現時最平的了，但幸好都給我買到呢！買完頭盔，繼續拖注一大袋禮物繼續行，行過雅蘭的Snoopy店，在這兒給我搵到Cindy要的Snoopy產品秋季號呢，我遲鱓就會寄給妳呢Cindy！在這裡找到那本秋季號外，還給我找到給阿怡的生日禮物呢，但我沒有即時買，因為我想有朋友比比意見我先。
買完秋季號，是時候要去機場，因為思詠今晚就要回澳洲了。我一落到雅蘭樓下，剛好就有部A21埋站，因此我六點八個字就入到機場。當其時我見時間尚早，所以就用架行李車推注我袋重重的禮物周圍逛，當逛到七點多鱓，我就唔敢四處走，行定去澳航的櫃位等，因為思詠話過她七點幾就會到機場呢！我企係到等阿等，等到八點四，終於見到思詠來了。當時她戴著眼鏡，遠睇真的認唔出呢！我待她差不多辦好登機手續時才敢上前去叫她，因為伯認錯。今晚有她的家姐、她家姐男友、她一位舊同學和我一起去送機呀，可是我們只是談了一陣間，然之後就要拍照留念說再見了，是關思詠算係時候要入閘啦。我同思詠的同學仔都十分唔捨得她走，她回來香港只有四個多月呢！更何況我只是相約過她一次，其實我還有很多心事想向思詠傾訴……想搵思詠去玩的……，但現在不知又要等何時了！思詠，在這裡我祝福妳返到澳洲事事順利，舖頭賺到盆滿砵滿，最重要係早日搵到一份飱妳的好工！
我帶著依依不捨的心情別過思詠，就同思詠的同學仔邊行邊傾去搭車。我坐番A21出尖沙咀，因為今晚除o左送思詠機外，我還要為陳生、張生、盧莉英慶祝生日，我出到去尖沙咀時都十點鐘了，所以大家已經在卡啦OK唱緊歌。而當我一到步時，大家就嚷著要開禮物，因為我手上有晒三位主角的禮物呢！三位主角接過禮物拆開火紙一看，都十分開心，尤其是張生和陳生的表情，前者個樣非常鍾意，後者就十分驚喜，就連盧莉英見到隻銀也十分歡喜呢！HEHE…這樣證明我好有銀光呢！陳生那套佛兵我都十分鍾意呀，如果有人都送一套兵器比我就好了！拆完禮物大家繼續玩，有的唱K，有的玩骰盅，我就選擇了唱K，是關我要唱百分百感覺內的歌呢！其中“兩男一女”我還唱了三次咁多添。而至於玩骰盅的男仔們呢…….哈哈，飲醉晒。不過其實我都有High到，因為我偷佢地玩骰盅用的油飲呢！高高興興的玩到一點，大家是時候要歸家去了。
文章定位：
