24h購物| | PChome| 登入
2002-08-27 23:11:01| 人氣63| 回應0 | 上一篇 | 下一篇

27/8/02 "怡"

推薦 0 收藏 0 轉貼0 訂閱站台

昨天中午，陳生比電話我話收工出旺角喎，我一聽到就第一時間應承，是關我做o左兩日死狗和星期日晚的考試，不知幾想出去“鬆一鬆”呢！晚上我們無目的四圍逛,但卻就是這樣，給我們在兵器窟發現了 “筍”o野！hehe…就是用卅蚊就買到一把價值百七蚊的屠龍刀呢！真係超級抵呀，所以我同陳生都一人買了一把。買完刀食完o野，準備返歸前上了先達，竟然又在那兒的另一個兵器窟給我搵到我搵o左好耐的“奪愛刀”，因為價錢方面不貴，我就第一時間買下它，是關這些舊貨可遇不可求了！就是這樣的買東買西，使我今天又推了兩位上星期已經推過的朋友的約會呢……

今日中午，阿麟比電話我，話星期四晚佢唔得閒，想改今晚去食飯喎，但因為我昨晚的買東買西，使糧尾最後的二百蚊都用光，可謂“彈盡糧絕”，所以無奈的推了他；而到了旁晚，就輪到接到阿婉的電話，她又想約大家唱卡啦OK呢！.我在電話裡聽得出她有點事，但奈何我真的無蚊蚊呢……所以也只好推了她。而亦因為她有點事，所以當我收o左工後，就第一時間比電話佢，但她一如以往唔肯講佢有咩事，只在電話裡傳出哭泣聲，而我亦一如以往無佢辦法，說了鼓勵她的說話後就掛線了。

除了這個電話，我還打了比阿怡，因為我要約她為她慶祝生日。我照樣的問她：正日是否唔得…她如常話唔得；我照樣如以往在已經估到的情況下，問她是否正日約了那男仔，她說的是：有，還是她主動約添……唉~~我根本早就估到，但我又偏偏要去確定，確定完自己又要唔開心……而亦因為我這樣的唔開心，就比了電話蕉皮，告訴她我的唔開心，還約她星期四照出來，因為我想搵她陪我去揀禮物和商討“大計”呢，是關陳先生獻了一個妙計給我，真的多謝晒你呢陳生！

電話打過晒，就去了80M換單，換完單就跟注去了希爾頓，因為想去那間手辦店睇睇“激戰”的價錢……但點知去到一睇…嘩！！是超級勁抵呀~~於是我第一時間幫自己和陳生入貨呢！是關實在是超低價。

明晚又是打電話時間了，因為要搵鍾姑娘啦，搵阿思佢地啦，還有搵思詠，因為我想約她星六出來見見呢！思詠，如果妳有睇今天的日記，給我一個回覆去唔去o丫！

多謝蕉皮的留言呢！（^_^）

我要檢舉
台長： SnoopyJohn
人氣(63) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文