15/8/02 "蟋蟀"
今日下午,如往常一樣到銀行入數,走到5號窗,嘉儀小姐的櫃台,她一見到我的時候,已經在對注我笑,我不以為然她有什麼,但點知在她入完數,給我pay in slip時,她放了一隻'假蟋蟀'在張slip上,頓時把我嚇了一跳,而她和其他同事就即刻笑了出來,嘉儀還話我易比人嚇呢!不過我當時並沒有覺得尷尬和不快,反而覺得好有趣和好開心......唔知自己點解會有咁o既感覺呢?
到了晚上,入了馬鞍山,出席諾詩安排的"圖書館"聚會,不過連埋Miss我們都只有7人,因為有多人唔得閒來呀.我們到了稼軒食飯,Elaine贊這兒的食物不錯,下次會再來.在席間,大家有講笑,Miss給了她一家人剛去完日本玩所拍回來的照片給大家看,還請了大家食"白痴戀人",好好味呀!HEHE...而我同譚家樂和仇嘉詠還有手信添!真的多謝Miss呀!傾o下講o下,我們傾到成10點幾先走呢!十分愉快的一晚.不過當晚事後我在莎拉日記發現,諾詩話席間有人發脾氣,使我摸不著頭腦,有邊個呢?我和Elaine想可能是......
收工前知道了一些事,知道王姑娘為何會這樣,但好可惜,我都唔知可以點樣幫忙,甚至有點愛莫能助,因為人是要相向的.希望她沒事啦,因為好好的一個人嘛!如果變成...真的十分可惜.
16/8/02 "傾訴"
早上接到來電,是瑩瑩打來的,她突然問我要夢星雲的地址,哈哈,真是有趣呢!我當然沒有拒絕,講比佢知啦!真的好多謝瑩瑩會瀏覽我的夢星雲呀,多謝妳的關心,衷心的感謝妳呀.希望妳永遠都支持我啦!
hehe...今朝打電話比思詠,告知她星期日我會捧佢場呢!
唉~今晚真悽慘,比人搵o左笨要入屯門,少賺o左百五蚊呀!可解?咪因為比人點o左入去聽什麼減薪講座囉!不過唔只我呀,還有阿Meg和鍾太都要呢.
我們一收工,三人就雞咁腳走人,去沙田火車站搭那部263入屯門,那部車好快呀!半個鐘就可以入到屯門,以後去屯門可以方便好多了!我們入到屯門,先去食o的o野先上堂,本來以為咁樣遲到一陣無問題啦!但點知我們7點3上到去人地已經講o緊呢!
無無聊聊,聽到7點9,可以走人,哈哈,真的開心,咁早走得.而這個散場時間正配合得剛剛好,因為穎思也剛剛出o黎到市中心,是關我今晚約了她呢!(本來阿麟都o黎o架!但點知佢原來約o左其他朋友,所以o黎唔到.)我們去了健康工坊吃甜品,傾o左一陣,傾o左關於工作和我妹妹的事,穎思給了我不少意見呢,真的多謝妳.不過這一些都不是最困擾我的,最困擾我的始終係阿怡的事......所以在離開工坊去搭車的路上,我同穎思講o左自己的心情,講出了自己不知如何是好,而穎思亦給了我意見和睇法,還有一個我都覺得十分好的方法----信.用信去寫出自己的心聲,讓她知道,也許比我用口說還好,但是......我仍想可以親口對阿怡講一聲:我愛妳......
早上還有一個來電,是家姐打來的,我們的申請不獲批准,但她會幫我們轉介第二間銀行,希望今次會批啦!!
文章定位：
