10/8/02 "散心I"
今日收o左工,同媽咪飲過茶,就去BB到,不過今日唔係去探BB呀,係聽TALK,因為院方安排了一位講師來為義工們講解有關教BB講說話的技巧,聽完覺得幾有用,希望會幫到嘉軒學講o野啦!
聽完TALK,一個人出旺角,來一個瘋狂購物,給我買到"赤劍"啦!我搵o左好耐架啦!買o左"天下無雙劍"啦!"打狗棒"啦!還有"BB戰士扭蛋公仔"添!!可解我會大洗錢?因為我唔想去想不開心的事......我想散散心......
買o下行o下,等到阿麟同穎思來了.是關今晚我約o左佢地呢!我本來是想搵佢o地"傾"o架,但我想想o下,都係唔想煩人地,是關人家自己也有煩惱的嘛!今晚佢兩個帶o左我去一間幾正的餐廳呀!但我唔知有咩機會帶我其他的朋友去呢.穎思叫我第日帶"女朋友"去喎!!(^^)冷笑.
在開餐前,我把剛剛買的禮物送比阿麟,那是我補送他的生日禮物,是一套BB戰士旗呢!阿麟佢好鍾意呀!在我們食完飯後,他還買多5套旗子添呢!!食完飯,買完旗,我們去了影貼紙相,玩得好開心呀!影到"鬼五馬六",好鬼搞笑呢!
今晚真的好多謝阿麟同穎思陪我,還有餐飯同貼紙相!下次我一定要請番佢地去瑞士餐廳呢!!今日過得真的好開心.多謝!
我都唔知自己咁樣係咪叫"逃避"同搵o野"麻醉"自己.但我真的唔知點?我真的好亂,我唔知自己可以點!?我想哭,我想叫,我想有人話我知我可以點做!!!
11/8/02 "散心II"
今朝早上,婆婆來了,於是我地就同佢出了旺角飲茶.飲完茶,在茶樓旁邊的臨時書店買了兩本書後,就我有我行,佢地女人有女人行街去了.
是日我繼續散心,先是去了信和,在地牢的一間精品店給我發現了有那些"日本武士頭盔"模型買,每盒廿五蚊咋!幾底呀!於是一口氣買了兩盒,雖然是無得揀,但卻給我抽到兩款正頭盔呢!過幾日我一定要帶陳生去買!!
買完頭盔,過了"尋寶"商場,本是想去"尋寶店"尋寶的,但佢竟然未夠鐘開門(呢間o野成4:30pm先開舖的,都唔知係咪路),於是我就在商場內四處逛,而就是這一逛,竟然給我執到寶,我在一間乜周刊的二手物品店內,發現了一部"絕版巴士",價錢十分底(平過出產時的正價),在我左思右想的情況下,最終都是決定買下它,因為市面上真的已經絕跡的了!!買完巴士,就去搵番班女人,但那個最小的女人(我阿妹)還未買到佢要買o既o野,所以我就同婆婆去食車仔麵,然後走人返歸,由得佢兩母女繼續行!
返到屋企,做了佢兩母女的擋箭牌,無啦啦比阿爸出氣,十分之氣結!!
今晚慈善盾....激死人!!!
有誰可以幫我呀????我想......
文章定位：
