8-13/6/04 "開心點"
Pinky講得o岩,應該開心點,為什麼不去想開心的事呢!?所以我決定,我要記下這幾天發生的開心事,雖然新聞台幾天都上唔到,但今天上到也不遲,因為今天一樣有開心的事。
首先,就是要恭喜,恭喜鍾姑娘生o左個BB女呀!早幾天工作期間突然收到個電話,是鍾姑娘來電,她告知我她上月29號生o左個女呢!呵呵~~好開心哦~BB女哦~~雖然唔係我生,但一知道有好友生o左個女,自己都開心埋一份呢!是關我好鍾意小朋友,好鍾意BB的哦!我好想快o的去探BB(當然還有鍾姑娘)呀~BB女出世有六磅哦~好可愛哦~!可惜我的E-MAIL懷o左未睇到BB的相哦~~~而我晚晚又唔得閒打比鍾太和余姑娘喎!可能最快也要下星期才可以去探B呢!BB的名未定實呀,因為我怕怕小朋友會"小氣",所以唔係到寫注,遲D定o左才告知大家。
而第二樣呢,就係終於收到第二份政治學導論的功課題目啦!今次的題目是:"公眾輿論及大眾媒體對政治的影響"(此乃標題,全條問題因太長不寫了)。這次題目的問題我過往比較少探討,所以我想要多花點時間去找資料與睇書,否則一定答唔得好...ng...今次有點難道添!加上這份功課題目咁遲先寄o黎,7月7日就要交,真怕唔夠時間做呢!另外呀~哎喲~Miss幾時先改好第一份功課比番我呀!?我好想知自己做成點呀!?
到第三樣了,也是發生在今天的,那就是過了一個愉快的週日......
首先,中午與媽、妹、弟(爸自己飲o左茶)去了百人一朱食午飯,然後就一個人去打陣機,到差不多時間就出花墟,買花比馬姐(啦!馬姐,我第一次正式買花比女仔咋,寶貴的第一次就咁比o左妳啦,haha...),我揀o左今日全花墟最靚的"黃惠蘭"(好似人名呢,其實即係黃色的日本惠蘭)配百合加好靚的唔知咩花比佢,好大扎o架!然後就坐地鐵過金鍾,而就在這路途上,不時都有人望注我拿注扎花,我心想真的可惡,未見過人買花咩,有咩好望。我好準時,搭正四點去到太古廣場出口,過了一回阿怡也到了,所以我就先和她過港麗搵馬姐,而在這短短的一段路上,竟給我無意中知道阿怡有了男朋友呢!我問她為什麼唔叫埋佢o黎,佢話我無叫佢帶出o黎喎...我真係比佢激死!唔知呢個係咩男仔呢?最緊要對阿怡好和錫阿怡,仲有一定要係真心添,否則,我一定唔放過佢!!!去到酒店,回合埋家姐同阿雄,但竟然找不到馬姐,結果要左找右找才找到。搵到主角,當然就要做我們今天要做的"正經"事啦--去影相,過香港公園攞景影相,我們過到公園一陣間,阿思佢地都o黎埋了,所以我們正式展開影相行動。今次影畢業相都吧閉了,因為馬姐下令叫個個都帶相機(原因她自己個部壞了),結果連埋佢自己臨時搵到人借個部,佢老爹、我、阿雄和小強,一共走了五部相機出來,所以正如馬媽媽所講,馬姐今天變了Model呢!雖然我們影唔晒成個香港公園,但相真的影了不少,就我部機也影了三十多幅。我們每次影相都充滿歡樂的,今次也不例外,其中有趣的有一開始影相時,無原無故有一粒荔枝滾到馬姐面前,大家都笑是我買個扎花跳出o黎呢!還有,就是臨到最尾時拍了一張難得的合照,那是馬姐與一位新娘子來了一張"黑白合影"呢,原因馬姐剛巧與到一位正在公園與一對新人影相的朋友,而那個新娘馬姐也識的(佢D客),所以我們建議除了那朋友外,不如也叫埋個新娘同馬姐影番張呢!結果大家的相機都有了一張"穿白色婚莎的新娘+穿黑色畢業袍的女生"的合照。高高興興的影完相,因為阿思同家姐兩對今晚都另有下場,所以我們今次沒有飯局,要另外再搵日了!(呀!今日好可惜少了蘇銘欣呀!因她要開工呢!)因此我送了馬姐同阿怡佢地去搭巴士後,就自己過旺角去了。
過旺角,我都只是為了買公仔書,跟注買完就急急腳返沙田食飯,因今晚難得一家齊人出街食呢!我O地好耐無試過一家人齊晒出街食晚飯了。我們今晚去興城食潮州菜,但酒樓今晚可惡的竟然無"石榴雞",激死我呀!雖然係咁,但無阻我們的歡樂,食完飯,我們一家人還行了價真盞和去了健康工坊食甜品,好開心呀!!
今晚終於上到新聞台了,開心可以寫到日記之外,就是高興的見到有朋友留言,是小穎的"明天請早"留言呀。小穎,我明白妳的意思的,多謝妳的鼓勵呀!我會努力的。妳知嗎?我每次都有到妳的愛的．專櫃o架!所以我都知道妳...hehe,妳要努呀,不過我知妳比我強,妳懂得去放開......
其實,當我每次見到有朋友留言或給我愛的鼓勵,我都會好開心和感動的。
*今次我本想揀一張影得好靚的放上去,但可惜那張唔齊人少了家姐。但又為何無我呢?因為我部機有我o既都影得....HEHE! =P
文章定位：
