28/5/04,星期五."迎戰(一)"
為了"迎戰"星期一"大梁"的到來,所以今晚全程在filing,結果要file到成11點幾先搞點......
29/5/04,星期六."歡送"
昨晚亡完filing,到今朝就忙執o野,並為班主任的到來做準備,結果成朝又係唔知做o的乜出o黎,到下午就開職員會了,唉~咁又無一日。
到了晚上,收工一班同事去明星畫舫,這是一早預好的,目的是為"歡送"Oli和用埋"舊錢"去。今晚食飯的酒樓地方不錯,食物都ok,所以我考慮推薦遲d的十週年聚會可以在這裡搞。
又一個同事走了,雖然和她相識時間段,但始終有一份友誼,有一種唔捨得。
30/5/04,星期日,"迎戰(二)及籌備會議"
今天是星期日,但無得放假休息,因為我要回中心清埋o的會員資料,一來是月尾不能拖,二來也是為大梁的到來作準備,因為如果人數計不準,就會影響好多數據。我十二點幾回到中心,一做就做到成9點先走,都幾辛苦,再加上懷疑下午向茶餐廳食o既o野油太多,結果由傍晚開始個人就唔舒服,個胃好似有o野頂注咁,還有自己可能緊張第二朝大梁的到來,所以成個人勁唔妥...到了晚上還發惡夢和睡不著。
但就算點唔妥都好,飯局也去不成也好,之後的飲o野則非去不可,原因係我要同韓莉燕個班傾o下o黎o緊十週年的活動安排,好在我捱注病都去,結果真的有成果,短短一個鐘大家都認真的傾到(可能係我認真,印晒議程當正開會咁)。現在只要約埋阿青、Pinky同張生佢o地再傾,應該有最終定稿了,當然還要等候華華約老師的情形啦!
31/5/04,星期一."敏感"
一朝早個個就如臨大敵,並作最後衝刺,為大梁到來做準備。大梁逗留時間不長,但威力係點真的未知,要待Shirley明天回覆先知了,但我真的好擔心,因為Shirley話大梁企o左係塊board到好耐...唉死啦,我真的怕有事。
因為收工要去交報紙費,所以今晚返學遲到,結果就聽唔到doctor李講"廢話(規矩)",不過好彩Miss好人部番半個鐘有多比大家。
今晚又看到一些,可能是自己敏感,但總覺得人係向到罵我......還有覺得人家真的很叻,所以人o地揀佢都好正常,反觀自己是什麼?哈哈~~一事無成......所以,我要出人頭地!!
但點都好啦,明白自己的只有自己,所有o野都係自己弄出來的,如果有人會可憐我,這是上天的恩賜了。
有件事幾好的,就是因為Jordi的唔得閒,結果活動取消了。現在的我真的走不出來,就算一個人出來我也只是交代......其實知道妳仍會睬我,我都鬆一口氣了,因為這兩個月來,我的心情真的十分複雜,現在只是聽到妳原來仍會睬我,夠了。
(太倦了寫不出想表達的感情來。)
文章定位：
