18/5/04,星期二.
連續好幾天沒有寫日記了,因為要忙功課,所以我都只係最記得圖書館都去了兩晚(星期三、四)....
12/5/04,星期三.
收工要趕去沙田圖書館,因為要搵書做功課,但結果去到已經遲了,得番半個鐘時間比我搵。
13/5/04,星期四. "夢星雲3歲啦!!"
今晚又係去圖書館,去OU的圖書館繼續搵書,因為出開旺角,所以今晚順道約陳生逛,兼且買埋部MP3呢!(好野,有o番歌仔聽啦!)此外,還與陳生談起...陳生果有他的見地,多謝你呀陳生.
不知不覺夢星雲原來已經3歲了,這3年發生了很多事,但今年似乎不開心的多過開心,憂愁蓋過了歡笑...而夢星雲亦曾經離開過老家,嘗試半獨立生活(搬o左去geocities),現在暫時又返回來...
網上日記的確給了自己心靈上另一個空間,一個可以講出心底話的地方,但這亦同時帶來很多不快和慘痛的......
不過有樣最可惜o既就是,我最想讓她們看的兩位--好友思詠和...穎思,前者很像已經很久沒有前來,而後者已經永遠都不會再來......知道嗎?心靈掏空了、空虛了,人的靈魂會怎樣?而且是一個怕孤寂的靈魂,現在卻要更孤寂。
14/5/04,星期五.
日頭就勞動,夜晚就趕食飯兼"白搵"一餐,都幾要命呀!
15/5/04,星期六.
早上無端端坐o左出counter,下午就同阿mei傾電腦,結果自己本身的工作什麼都做唔到,真慘!夜晚就同o左Sally出o左旺角行街...
16/5/04,星期日. "發燒&茶餐廳"
一早起身就覺得自己生病了,原因是昨晚給Sally傳染了傷風,所以整天都不能按原定計劃睇書預備份功課,到了夜晚,媽媽還發現我發燒呢!雖然整天個人都唔舒服,但我中午照樣有去吃午飯,而就是這頓午餐,讓我親身感受到"麥兜"電影裡的茶餐廳文化....
地點:沙田好運中心X興茶餐廳.
時間:下午兩點幾
人物:本人、光頭侍應
我:「常餐，雪菜肉絲米、凍"柯瀝"o丫唔該!」
光頭侍應(真的和麥兜校長侍應差唔多樣):「無常餐喎，下午茶餐同常餐都一樣o者!」「兩蚊加隻炒蛋啦。」
我:「......哦~好呀...」
一次真人版肯定,常餐、午餐、下午茶餐、快餐和晚餐,在茶餐廳全都是一樣的......
*(雪菜肉絲米裡面只得一粒肉,嚴格可以說是無肉絲,可惡!!)
17/5/04,星期一.
本來以為可以不用回中心,全程留在家做功課的,但誰知早上還要走一躺...今天全程睇書。
18/5/04,星期二. "做完份功課了"
今天一早七點幾就起身,弄完早餐給自己吃就開始做,一路做到下午四點幾,終於完成了,不過我覺得做得唔係太好,但無計,因為時間沒有了。連續努力了幾日,現在鬆一口氣了,個人好倦呀!不單是身倦,心也倦...又係一個自己分享完成的喜悅,一個人自己叫倦,自己安慰自己。
文章定位：
