24h購物| | PChome| 登入
2004-04-20 00:39:58| 人氣59| 回應0 | 上一篇 | 下一篇

18-19/4/04 "開心的課"

推薦 0 收藏 0 轉貼0 訂閱站台

4月18日,星期日.昨晚做份會議紀錄做到兩點幾先就寢,但今早六點就起身,認真攞命!不過無計啦,因為今天要回廣州祭祖。今年因爸爸的病和屋企的環境,所以只有我做代表,和伯伯一起回廣州拜山。今天廣州天氣真的十分好,是我去咁多次最好的一次,原全呼吸到新鮮空氣個隻。廣州伯伯話因為昨日下了一場大雨,空氣才咁清新,再加上廣州過去一年對空氣污染控制有所成效,所以廣州空氣先好咁多。今日由過關到坐車到拜山到回程一切都好順利,再加上得知大家姐剛有了身孕,全都是好事,希望這是一個好兆頭,爸爸可以快點好,屋企也可以捱過啦!

4月19日,星期一.昨晚也是兩點幾才睡,原因只得一個,就係繼續份會議紀錄。我兩日合起來才睡得8個鐘咋,我快要散了。
今晚是"政治學道論"第一課道修,我真的有點興奮和緊張呢!因為我已經期待上堂好耐了。我準時七點到課室,接著老師也來了,當我第一眼見到佢...嘩~比我想像的年輕得多o既!?不過唔緊要,後生o的咪仲好,容易溝通嘛!不過她的外貌與年齡都唔重要,最重要係教得好唔好...好彩,這位老師沒使我失望,我甚至上到一半就已經覺得佢正!覺得佢點!我希望她最終能夠成為我政治學的啟蒙。
上了一堂好正、好開心的課,本想第一時間找"妳"分享的,因為我無乜朋友有耐性、興趣和明白我上堂所學到的,惟有妳...但現在已經不可能了...每當我一想到這點,我真的好唔開心、好唔甘心,腦海裡面隨即浮現我想起一切弄得如斯景況的可能性原因...我真的好辛苦,因為永遠都不能問,永遠都沒有答案,和永遠聯想一堆可能的答案,還有只可以逃避。
不開心時找朋友出來已經好困難,但原來開心找朋友食飯一樣咁難。今晚上了一堂咁正的課，所以放學後想話找個朋友食飯開心o下,但點知同上次悶落旺角街頭一樣......那只好回沙田買一點我自鍾意食的回家自己食,和弟子分享(只限食物)。
經過了今晚一堂,我想我喜歡政治還要比歷史更濃,不過這還未可使自己日後踏上從政之路,因實在言之尚早,反而,我更加有興趣去從事研究和教育工。

我要檢舉
台長： SnoopyJohn
人氣(59) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文