24h購物| | PChome| 登入
2002-07-19 00:54:21| 人氣90| 回應0 | 上一篇 | 下一篇

18/7/02 "書展"

推薦 0 收藏 0 轉貼0 訂閱站台

今日是我一連四日假期的開始呀!真是開心,我安排第一樣的節目呢就係去書展.

早上同阿思買過早餐就搭車去會展,去到都算係早,只係十一點左右,所以人唔算多,開頭都行得好輕鬆,但時間漸漸的過去,入場的人也越來越多,變得無咁好行了!因為阿思入場主力係要買"麥兜",所以我們一入場第一個目的地便是"麥o麥&麥兜"攤檔.阿思買得十分開心呢,買o左音樂座啦,公仔啦,書啦,杯啦...總之就好多,用o左成500蚊呀!計埋後尾要我幫佢買的兩條電話繩,用o左成600蚊!
hehe...不過我其實都同佢差唔多洗o左咁多,因為我今年難得買齊晒所有"目標書",即係我想在書展買到的,今年全都買齊.數量仲好多添!而我今年買書主力係要平,最貴的一本也不過80蚊,所以可以買多好多本.
我的戰利品有什麼?等我簡單介紹o下啦!分別有鬼故書啦,動物書啦,香港掌故書啦,中心用的書啦,這幾樣都是兩本以上的(上述就係我的目標書,中心用書例外),而我最愛的政治與歷史只是各一本,真是少有.可能係因為以往書展擺這些書根本就無人買,所以書商今年都擺少o左,變相我都買少o左.除o左書之外,我分別買了一套網絡遊戲和史力奇的file&記事簿,好靚o架!亦因為咁多o野o既關係,拿到我索晒氣呢!
而阿思今日係無陪我行晒全場呀!因為佢話唔舒服要走先喎!不過其實咁仲好,我可以行得自由d.行o下買o下,到三點我便離場了,因為我已經買齊晒目標書同埋驚自己會再買落去.還有雙腳已經見倦呢!
最後一個人搭車返沙田,食碗麵打鋪機,就歸家去了!但咁未完o架!返到屋企放低d書一陣,涼又未沖,戰利品又未檢閱及飯都未食,個電話就響起,是表姐打o黎搵我同細佬去整電腦呢!真慘~結果搞到成9點幾先有飯食呢!

今晚她們又有事了,身為朋友的我真的不想見到這樣.我覺得有好多時男仔真的要就女仔才對,做男的要錫女仔的嘛!點都好啦,兩個人的感情維繫是要靠兩個人一起努力的,不是單一方面遷就就行,兩人一起解決問題啦!我深深的祝福你們!!(^_^)

我要檢舉
台長： SnoopyJohn
人氣(90) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文