13/7/02 “釣墨魚？？”
今日要比平日早起身呀！因為要回中心開門，兼且今日只有我同王姑娘開工呢！王姑娘今朝又唔知搞乜鬼，成十點幾先返工，所以在佢未出現前，我一個人要做晒成間中心o既№，兼拑擔心林生突然打電話o黎搵王姑娘，真淒慘。
中午可以準時收工，全靠昨晚將幅壁畫草稿完成，就在收工前，我又走上中心個磅上面磅一磅，結果發現…我又輕o左4磅呀！！如果可以一路咁瘦落去，再瘦多卅磅就好了。
收工返到屋企，做過家務後就煮了個麵食，本想跟注就出去探BB，然後同阿青佢地一齊入西貢的，但因為自己患了感冒加咳嗽，所以沒有出去，因為我怕傳染比BB。食完麵，休息o左一陣，跟注就執拾行裝＆梳洗乾淨，往西貢出發釣墨魚了！！
而在往新城市搭299巴士往西貢前，我見還有點時，於是就去了好運中心買六合彩，就在我買完出門口，漫不經心的拿著剛買的六合彩對“上期”的開彩號碼時，竟給我發現自己原來中了三個字呢！咁即係話，我袋裡星期四買的六合彩是中o左，有廿蚊收呢！哈哈……又中獎了！希望好運能夠繼續下去，伴我走過現時的艱難時期。
買完六合彩收過錢，係時候去坐車了，我同陳生和瑩瑩坐埋同一架車呀，但我就有位坐而佢地無，hehe，因為我在總站上車，佢地唔係呢！在去西貢的途中，我o地遇上塞車呀，不過好彩都能準時六點三到步鎹。
在我們下車，舉目前望時，發現了一個壯觀的場面……嘩！極多人呀，成個西貢碼頭一帶聚集了很多準備出發遊船河的市民呢，我估計當時起碼有成千多人呀。而就在這人群之中，竟被我遇到中心的韻律操老師和我的街坊，你話“世界係咪真細小”呢？我同老師和街坊打完招呼後，最先遇到的是Sharon一顆人，跟注其他朋友仔亦陸陸續續出現……但我們等等等，等到7點夠鐘都還未齊人出發喎，因為張生和黎生遲到呀！害我們差不多成8點先上到船。
上到船，先是由小弟做一次互相介紹，介紹完畢剛好船也停定，大家也開始釣墨魚了，但我們釣了成個鐘，結果係連一滴“墨汁”也沒有發現，咁無計啦，那只好就開始食o野啦，但當大家食完№，都已經無乜心機釣墨魚了，於是各有各節目，有的上船頂聊天，有的唱K，有的就打麻雀……。我結果是參加了打麻雀呢，但其實我唔係咁想打o架，不過見蕉皮佢o地欠一隻腳，我就打埋一份。亦因為走o左埋張麻雀檯，之後我就再沒有釣墨魚和走上船頂了，直至下船。最終我們一條墨魚都釣唔到，真係咁都叫“釣墨魚？？”。
我們玩玩玩，玩到快十一點隻船就駛埋岸，4批共39人上到碼頭就各自散水了，我們5A同學會因為全是沙田友，所以一齊坐299返沙田，本係話一齊返沙田市中心飲№的，但結果在途中落下一個，落下一個，最後只剩五個人去UA門口飲№傾計至兩點呢！
總結今次的釣墨魚活動，我覺得搞得麻麻，先係我班FRIEND遲到啦，跟注就係自己組織唔到成大班人一齊玩，結果出現“一堆堆”人各自玩的情形呢。我原意並唔想係咁，但其實亦預o左會係咁呢！我想下一次我真的要好似平日開工咁，想定一堆節目和遊戲，來聯誼一番呢！這樣才開心麻！如果下次再搞類似的活動，會有互不認識的朋友參加……就一定唔可以有麻雀和卡拉OK呢!!
14/7/02 “家庭日”
今日難得爸爸有假放，所以例牌上茶樓飲茶，我真的十分享受這種活動，我覺得一家人飲茶的感覺係十分溫暖呢！
我同細佬今日穿了“兄弟裝”上茶樓呀，因為我們分別穿上了新的利物浦主場球衣和歐冠球衣呢！
仍然擔心會傳染BB，所以今日都沒有去探BB。
今日沒有什麼特別事發生，加上沒有什麼心機寫，就寫到這裡吧。
【因為今天沒有“靈感”，所以寫昨天的日記寫時，寫到都唔知點咁。】
文章定位：
