雪．夢星雲 HAHA...我終於做寄居蟹啦! 寄居在明日報內的新房客... 我希望把我每天發生的事都寫下來,讓自己回味,供朋友來分享. 我是怕寂寞的人,我願打開自己的心扉,引領大家進來,夢鄉雲躂.

189愛的鼓勵 0訂閱站台

今日一早，寫了前兩天的綜合日記，我就同媽咪出街食粥，之後我們分道揚鑣，展開自己的節目。首先，係一點半約o左阿青在巴士站等，一齊出旺角回合阿麟去book船，但因為我同媽咪食粥後，一點鐘都未夠，所以我就先去買六合彩和打鋪機先啦……。打完機，o岩o岩好點半，跟注走出巴士站等阿青，等o左一陣佢都到了，我們就坐車出信和。出到去，阿麟早就企o左係信和門口等我們了，我們本已準備入信和book船的，但阿青臨時話睇到報紙登o左中旅有特價墨魚團喎，於是我們沒有即時入信和，改o左行去中旅問，但點知一問之下，原來中旅是用「跟團」方式，不是自己包一隻船玩的呢！咁無計啦，都係要返信和book，不過那時已經是兩點九了，大家都肚子餓，一於去醫肚先。我們去了大快活，食完都已經三點三，快近探BB的時間，於是我同阿青就決定先去探BB，跟注先去Book船，而阿麟都同意，還跟埋一齊去探BB呢！我今天依然係探嘉軒呀，我同阿麟陪佢玩得都幾開心呢！

探完BB，阿麟要走先，所以Book船的責任就落到我同阿青身上。我同阿青等埋華華收工，三個人邊行邊傾的由太子行返落信和。今次我們終於book成了，因為有華華在場的關係，我們爭取到最少25人都可以有一隻45人的冷氣西式船，兼且如果人數足40人，每人可以減＄10添！呵呵~~華華真是有佢一套，希望我們今次可以搞得成功，甚至有40人參加啦！！(各位好友睇到本篇日記後，想參加我們7月13日的釣墨魚團，就用ICQ或留言版聯絡我啦！)

Book完船，我們本決定返沙田歸家去的，但一路行一路傾，傾o左話返我屋企打牌呢！haha~~於是我們就在旺角買o的燒味返屋企加Å食飯，然之後就開檯打麻雀啦！因為唔夠腳o既關係，要我細佬出動埋，不過佢就威了，食o左我一鋪「13腰」爆棚，hehe~~但我都唔弱，接注個鋪到我食o番鋪「八番」爆棚，因此我們就等於打和呢！

我們今次打的是衛生牌，所以沒計錢，但我今早買的六合彩，就真的有得計了，因為我期期都買同一樣號碼的六條六合彩裡，有一條今晚給我中了4個字呢，好o野！有o番＄320收呀，呵呵~~好開心呀！（^o^）我有錢去釣墨魚了！

原本今日係約o左思詠o架，但改o左期了！