時間的光影 時間的光影

221愛的鼓勵 2訂閱站台

敢是一百多萬年前

兩個古地塊的激烈拍種中

阮出世了，身材不斷變肥變大箍

名字不斷改換

有人喊阮「蓬萊仙島」

有人喊阮「夷洲」

有人喊阮「大員」

有人喊阮「福爾摩沙」

有人喊阮「高山國」

有人喊阮「中華民國」

連阮攏毋知影阮是誰

不斷遭到強姦與凌勒

阮攏袂記得阮是一個獨立島

兩千三百萬的生靈寄跤佇阮身軀

逐日的車水馬龍、繁弦急管

正匯聚成一股意志

佇阮身軀狂急的風佇近四千公尺的懸山上噴颳

佇阮身軀森林咧湧動

阮大出著高山茶、IC晶片

出產的果子嘛甘甜美麗

太平洋的浪濤不斷砥礪阮的魂魄

予阮在溫馴中帶著剛強

兩千三百萬人民的意志咧叫

予阮向全世界發出邀請函：

「阮的名字叫臺灣

請予阮做恁的朋友

請予阮擁抱世界、擁抱宇宙」