雪凌手記 是自己和自己說話， 是自己哭、自己笑，不可以嗎？

461愛的鼓勵 0訂閱站台

籌備婚禮的過程，能看到許多人生百態。

 

為示尊重（表明我真係想請你，唔係臨時臨急搵閣下攝位），提早兩個月前先發電郵徵詢朋友們出席的意願，能夠出席的打後再發正式邀請函。是的，最後我還會逐個親自打電話confirm。 This is respect！

 

那些認真替你高興的，異常雀躍。總有些沒空的或有其他更重要的事情要attend的，正常不過。有些不想來的，編個理由，大家趁機寒喧一番，心照即可，再見仍是朋友。最搞不懂那些石沉大海的，明明check到個電郵地址無錯，仲見到他回覆別人電郵，就係唔覆你！還有些覆是覆了，仲話會出席，可是語氣淡漠好像百般不情願似的。

 

真想說，大佬，我一點都不馨香你的禮金，我拿最好的招待給我的賓客，每圍皮三野，你那區區幾舊水的禮金點夠cover！當你係friend先請你！如果真向錢看，應該請越少人越好先係。唔該想出席與否，單聲就可，心裏有一點點唔情願的，千萬唔好勉強，我真係無所謂！唔好到時又話請人地唔請你唔當你係friend！

 

其實出席又好，唔出席又好，無論背後原因係點，表面功夫都應該做足，這關乎個人修養同社交技巧。如果我在你心中當真無關痛癢，就更加不應該因為我這點小事影響到閣下平日建立的形象。