雪凌手記 是自己和自己說話， 是自己哭、自己笑，不可以嗎？

461愛的鼓勵 0訂閱站台

眼火爆事件第一位

 

一扇半年前已發現有問題的巨型鐵閘無人維修，結果倒塌壓死清潔女工。負責保養維修的建築署話已經跟足程序來做，08年11月報有問題，09年4月外判承辦商，再同社署“磋商”一個月點樣安裝，所以如果有運捱多十來日，應該就會改裝好。

 

喔，原來call contractor按個鐵閘要5個月！原來討論個鐵閘點樣安裝係要一個月，然後再等多一個月先可以落實工程......

 

......真係高難度啦！

 

個肺入得太多水入到瘟瘟登登係抵比人頂下！

 

人命關天，講野唔該經下大腦，比番些少人性，至少common sense出來，唔好再丟自己祖宗十八代同公務員的架！

 

***********************************************************

 

眼火爆事件第二位

 

美軍追蹤25個懷疑塔利班游擊隊，一輪瘋狂轟炸之下25個人全部死晒，包無漏網之魚仲送多70幾個平民，包括20多個小童陪葬。

 

原來恐怖份子條命咁衿貴，自詡Best of the best of the best of the best的世界警察覺得需要買一送三（條命）。

 

 ......究竟恐怖的係邊個？

 

************************************************************

 

眼火爆事件第三位

 

海關踢爆廢紙回收商「十檔八呃秤」，遙控電子磅「出蠱惑」，令偏差值達10％至38%，即10元紙皮最多呃足近4元，業界話係「行規」。

 

劫富濟貧就話o者！會幫襯廢紙回收商的大多係拾荒人士同長者，咁樣專蝦老弱婦孺，「係乞兒兜裏拿飯食」，雖說無商不奸，但凡事總該有個限度，咁無良知的行為，點解做得出？

 

仲要瞪大對眼大大聲咁話係行規個下先勁！

 

......呢個世界真係奇妙啦！

 

果然一樣米養百樣人，而其中一種極品人種就係叫做：

 

唔要面！